BIJU NADACKAL
ഗാൽവേ: ഗാൽവേ സീറോ മലബാർ സഭാ സമൂഹത്തിന് നൽകുന്ന കരുതലിനും സ്നേഹത്തിനും ഹൃദയപൂർവ്വം നന്ദിപറഞ്ഞ് ബിഷപ്പ് ബ്രെണ്ടൻ കെല്ലിക്ക് സീറോ മലബാർ സഭയുടെ യാത്രയയപ്പ്. പൗരോഹിത്യ സുവർണജൂബിലി വർഷത്തിൽ ഗാൽവേ ബിഷപ്പിൻ്റെ ഔദ്യോഗിക ചുമതലയിൽനിന്ന് പടിയിറങ്ങുന്ന ബിഷപ്പ് ബ്രണ്ടൻ കെല്ലിയാണ് സീറോ മലബാർ സഭാ സമൂഹത്തിൻ്റെ ആത്മീയ ശുശ്രൂഷകൾക്ക് കൂടുതൽ സൗകര്യങ്ങൾ ഏർപ്പെടുത്തുകയും മുഴുവൻ സമയ ചാപ്ലിൻ്റെ സേവനം ഒരുക്കുകയും ചെയ്തത്.
ഏപ്രിൽ മൂന്ന് ഞായറാഴ്ച മെർവ്യൂ ഹോളി ഫാമിലി ദേവാലയത്തിൽ അർപ്പിക്കപ്പെട്ട വി. കുർബാനയിലും നന്ദിയർപ്പണ മീറ്റിംഗിലും സ്നേഹവിരുന്നിലും പങ്കെടുത്ത ബിഷപ്പ് ഗാൽവേയിലെ താമസക്കാരായ വിവിധ രാജ്യങ്ങളിൽ നിന്നുള്ള വിശ്വാസികളെ യേശുവിൻ്റെ സ്നേഹ ഐക്യത്തിൽ നിലനിർത്താനുള്ള എളിയ സേവനമായിരുന്നു തൻ്റെ അജപാലനം എന്ന് വ്യക്തമാക്കി. ഇന്ത്യൻ സമൂഹം പ്രത്യേകിച്ച് സീറോ മലബാർ സമൂഹം നൽകുന്ന വിശ്വാസ സാക്ഷ്യത്തിനും, ചാപ്ലിൻ ഫാ. ജോസ് ഭരണികുളങ്ങരയുടെ സേവനത്തിനും വിശ്വാസികളുടെ സഹകരണത്തിനും പിതാവ് നന്ദി പറഞ്ഞു.
സമ്മേളനത്തിൽ ജോബി പോൾ സ്വാഗതം പറഞ്ഞു, മെർവ്യു ഇടവക വികാരി ഫാ. മാർട്ടിൻ ഗ്ലിൻ, ഫാ. സണ്ണി ജേക്കപ്പ് എസ്. ജെ. (ജസ്യൂട്ട് ഹോം. ഗാൽവേ) കൈകാരൻ ജിയോ ജോസഫ്, കാറ്റിക്കിസം കുട്ടികളുടെ പ്രതിനിധി അനിറ്റ മരിയ ജോ, മാതൃവേദിക്കുവേണ്ടി ജെറിൻ ജിനേഷ് എന്നിവർ പിതാവിന് ജൂബിലി ആശംസകൾ അർപ്പിച്ചു. സീറോ മലബാർ സഭാ സമൂഹത്തിൻ്റെ സ്നേഹോപഹാരമായ് മൊമെൻ്റോ കൈക്കാരൻ ഷൈനി ജോൺസൻ സമ്മാനിച്ചു.
വി കുർബാനക്കും വിശ്വാസ പരിശീലന ക്ലാസ്സുകൾക്കും എല്ലാ സൗകര്യങ്ങളും ഉള്ള മെർവ്യു ദേവാലയം അനുവദിച്ച് നിർലോഭമായ സഹായങ്ങൾ ചെയ്തുതരുന്ന ഇടവക വികാരി ഫാ. മാർട്ടിന് നന്ദി പറഞ്ഞു.
മാതൃവേദി, പിതൃവേദി ഭക്തസംഘടനകളുടെ ഇടവകതല ഉൽഘാടനം തിരിതെളിച്ച് ബിഷപ്പ് ബ്രണ്ടൻ നിർവഹിച്ചു.
ജൂബിലി കൃതജ്ഞതാ വിശുദ്ധ ബലിയിൽ കുട്ടികളുടെ കൊയർ ആദ്യമായി ഭക്തിസാന്ദ്രമായി ഗാനങ്ങൾ ആലപിച്ചു.
ആൾ അയർലണ്ട് സീറോ മലബാർ സഭ സംഘടിപ്പിച്ച ഗോറിയ 21 പ്രസംഗ മത്സരത്തിൽ വിജയിയായ അനിറ്റ മരിയ ജോ ക്ക് സമ്മാനം നൽകി. പഠനം പൂർത്തിയാക്കിയ പന്ത്രണ്ടാം ക്ലാസിലെ വിശ്വാസ പരിശീല വിദ്യാർത്ഥികളെ തദ്ദവസരത്തിൽ ആദരിച്ചു.
ഫാ. ജോസ് ഭരണികുളങ്ങരയുടെ നേതൃത്വത്തിൽ പള്ളിക്കമ്മറ്റിയും, ഗായകസംഘം, കാറ്റിക്കിസം ഡിപ്പാർട്ട്മെൻ്റ്,
മാതൃവേദി, പിതൃവേദി, എസ്. എം. വൈ. എം. എന്നിവരും പരിപാടിയുടെ വിജയത്തിനായ് പ്രവർത്തിച്ചു.
Wilson
Syro Malabar Community Galway
നിത്യജീവിതത്തിൽ പഞ്ചസാര പൂർണ്ണമായി ഒഴിവാക്കാനാവാത്ത ഭക്ഷണമാണ്. എന്നാൽ, അമിതമായ പഞ്ചസാരയുടെ അളവ് കുറയ്ക്കുന്നത് ശരീരഭാരം കുറയ്ക്കാനും ഉപാപചയ ആരോഗ്യം മെച്ചപ്പെടുത്താനും…
ഹ്രസ്വകാല വിസ നിരസിക്കലുകൾക്ക് അപ്പീൽ നൽകാനുള്ള അവകാശം സർക്കാർ നീക്കം ചെയ്തു. ഷോർട്ട് സ്റ്റേ ടൈപ്പ് സി വിസ ആളുകൾക്ക്…
ഡബ്ലിന് : ലൂക്കനില് മലയാളി യുവാവ് ഹൃദയസ്തംഭനത്തെ തുടര്ന്ന് മരിച്ചു. ലൂക്കന് ബാലിയോവന് അബിഡെയ്ല് റൈസിലെ രാജു കുര്യാക്കോസിന്റെ മകന്…
സെൻട്രൽ സ്റ്റാറ്റിസ്റ്റിക്സ് ഓഫീസ് പ്രസിദ്ധീകരിച്ച പണപ്പെരുപ്പ കണക്കെടുപ്പ് പ്രകാരം, ഏപ്രിൽ മുതൽ മെയ് വരെയുള്ള കാലയളവിൽ അയർലണ്ടിലെ ഊർജ്ജ വില…
ഡബ്ലിൻ കനോലി സ്റ്റേഷനും ബ്രേയ്ക്കും ഇടയിലുള്ള എഞ്ചിനീയറിംഗ് ജോലികൾ കാരണം ബാങ്ക് ഹോളിഡേ വാരാന്ത്യത്തിൽ തടസ്സങ്ങൾ ഉണ്ടാകുമെന്ന് റെയിൽ യാത്രക്കാർക്ക്…
സ്വിറ്റ്സർലൻഡ്: സ്വിറ്റ്സർലൻഡിലെ വിൻറർതൂർ റെയിൽവേ സ്റ്റേഷനിൽ വ്യാഴാഴ്ച രാവിലെ തിരക്കേറിയ സമയത്തുണ്ടായ കത്തിക്കുത്തിൽ മൂന്ന് പേർക്ക് പരിക്കേറ്റു. ആക്രമണത്തിന്…