മീത്തിൽ ബസും ട്രക്കും കാറും കൂട്ടിയിടിച്ചു; രണ്ട് പേർ മരിച്ചു, നിരവധി പേർക്ക് പരിക്ക്

മീത്തിൽ ഒന്നിലധികം വാഹനങ്ങൾ കൂട്ടിയിടിച്ചുണ്ടായ അപകടത്തിൽ രണ്ട് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. തിങ്കളാഴ്ച രാവിലെ ഗോർമാൻസ്റ്റണിലെ R132 ൽ Bus Éireann ബസും ട്രക്കും കാറും കൂട്ടിയിടിച്ചാണ് അപകടം നടന്നത്. ലോറിയുടെ ഡ്രൈവറും ബസിന്റെ ഡ്രൈവറും സംഭവസ്ഥലത്ത് വെച്ച് തന്നെ മരിച്ചു. ഗുരുതരമായ പരിക്കുകളോടെ കാർ ഡ്രൈവറെ ബ്യൂമോണ്ട് ആശുപത്രിയിൽ പ്രവേശിപ്പിച്ചു.

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==

കാറിലുണ്ടായിരുന്ന ഒരു കൗമാരക്കാരിയെ ആദ്യം ഔവർ ലേഡി ഓഫ് ലൂർദ് ആശുപത്രിയിലേക്ക് കൊണ്ടുപോയി, പക്ഷേ ഗുരുതരമായ പരിക്കുകൾക്ക് ചികിത്സയ്ക്കായി ടെമ്പിൾ സ്ട്രീറ്റ് ചിൽഡ്രൻസ് ആശുപത്രിയിലേക്ക് മാറ്റി.നിരവധി ആളുകളെ ആശുപത്രിയിലേക്ക് കൊണ്ടുപോയി. ഇവരുടെ പരിക്കുകൾ ഗുരുതരമല്ല. ഗാർഡ ഫോറൻസിക് കൊളിഷൻ ഇൻവെസ്റ്റിഗേറ്റർമാരുടെ സാങ്കേതിക പരിശോധനയ്ക്കായി R132 നിലവിൽ അടച്ചിട്ടിരിക്കുകയാണ്.

മീത്തിലെ ഗോർമാൻസ്‌ടൗണിൽ, ഇന്ന് രാവിലെ 5.45 നും 6.45 നും ഇടയിൽ R132 എന്ന റോഡിൽ യാത്ര ചെയ്തിരുന്ന, ക്യാമറ ദൃശ്യങ്ങൾ (ഡാഷ്-ക്യാം ഉൾപ്പെടെ) കൈവശമുള്ള യാത്രക്കാർ ഈ ദൃശ്യങ്ങൾ അന്വേഷണ ഗാർഡയ്ക്ക് ലഭ്യമാക്കാൻ ആവശ്യപ്പെട്ടിട്ടുണ്ട്.എന്തെങ്കിലും വിവരം ലഭിക്കുന്നവർ (01) 801 0600 എന്ന നമ്പറിൽ ആഷ്‌ബോൺ ഗാർഡ സ്റ്റേഷനിലോ, 1800 666 111 എന്ന നമ്പറിൽ ഗാർഡ കോൺഫിഡൻഷ്യൽ ലൈനിലോ, ഏതെങ്കിലും ഗാർഡ സ്റ്റേഷനിലോ ബന്ധപ്പെടണമെന്ന് അഭ്യർത്ഥിക്കുന്നു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb