റോയൽ ചലഞ്ചേഴ്സ് ബെംഗളൂരു ടീമിനെ വാങ്ങാൻ സിറം ഇൻസ്റ്റിറ്റ്യൂട്ട് ഉടമ

ഐപിഎൽ ജേതാക്കളായ റോയൽ ചലഞ്ചേഴ്സ് ബെംഗളൂരുവിനെ വാങ്ങാൻ താത്പര്യമറിയിച്ച് അദാർ പൂനവാല. എക്സ് പോസ്റ്റിലൂടെയാണ് സൂചന നൽകിയിരിക്കുന്നത്. ബെംഗളൂരു ടീം ഉടമകളായ യുണൈറ്റഡ് സ്പിരിറ്റ്സ് ആർസിബിയെ പൂർണമായി വിൽക്കാനൊരുങ്ങുകയാണെന്നാണ് മുൻ ഐപിഎൽ ചെയർമാനായ ലളിത് മോദി കഴിഞ്ഞ ദിവസം വെളിപ്പെടുത്തിയത്. ഇതിന് പിന്നാലെ ടീം വാങ്ങാൻ താത്പര്യമുണ്ടെന്ന് സിറം ഇൻസ്റ്റിറ്റ്യൂട്ട് ഓഫ് ഇന്ത്യ ഉടമ അദാർ പൂനവാല അറിയിക്കുകയും ചെയ്തു.

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==

തൻ്റെ എക്സ് അക്കൗണ്ടിലൂടെയാണ് അദാർ പൂനവാല ടീം വാങ്ങാനുള്ള താത്പര്യമറിയിച്ചത്. ‘കൃത്യമായ വിലയിരുത്തലിൽ, ആർസിബി ഒരു മികച്ച ടീമാ’ണെന്ന് പൂനവാല തൻ്റെ എക്സ് അക്കൗണ്ടിൽ കുറിച്ചു. ഇത് ടീം വാങ്ങാനുള്ള പൂനവാലയുടെ താത്പര്യമാണ് കാണിക്കുന്നതെന്ന് ആരാധകർ അവകാശപ്പെടുന്നു. ബ്രിട്ടീഷ് മൾട്ടിനാഷണൽ മദ്യക്കമ്പനിയായ ഡിയേഗോയുടെ കീഴിലുള്ള ഇന്ത്യൻ മധ്യക്കമ്പനിയാണ് യുണൈറ്റഡ് സ്പിരിറ്റ്സ്. യുണൈറ്റഡ് സ്പിരിറ്റ്സ് ആണ് ആർസിബിയുടെ ഉടമകൾ.

ഏതാണ്ട് രണ്ട് ബില്ല്യൺ ഡോളറാണ് (17,762 കോടി രൂപ) ആർസിബി ടീമിൻ്റെ മൂല്യം. സിറ്റി ബാങ്കാണ് വ്യവഹാരം നിയന്ത്രിക്കുക. വില്പനയുടെ കാര്യം യുണൈറ്റഡ് സ്പിരിറ്റ്സ് ഇതുവരെ ഔദ്യോഗികമായി അറിയിച്ചിട്ടില്ല.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb