പെർത്ത്: ഐസിസി വനിതാ ട്വന്റി-20 ലോകകപ്പിൽ ഇന്ത്യക്ക് തുടർച്ചയായ രണ്ടാം ജയം. ഗ്രൂപ്പ് എയിൽ ഇന്നലെ നടന്ന മത്സരത്തിൽ അയൽക്കാരായ ബംഗ്ലാദേശിനെയാണ് ഇന്ത്യ കീഴടക്കിയത്. 18 റണ്സിനായിരുന്നു ഇന്ത്യൻ ജയം.
വെടിക്കെട്ട് ബാറ്റിംഗ് കാഴ്ചവച്ച ഷെഫാലി വെർമയാണ് ഇന്ത്യയുടെ വിജയ ശിൽപ്പി. ഇന്ത്യൻ ഓപ്പണറായ ഷെഫാലി 17 പന്തിൽ നാല് സിക്സും രണ്ട് ഫോറും അടക്കം 39 റണ്സ് അടിച്ചെടുത്തു.
ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യക്ക് 16 റണ്സ് സ്കോർബോർഡിൽ ഉള്ളപ്പോൾ ആദ്യ വിക്കറ്റ് നഷ്ടപ്പെട്ടു. രണ്ടാം വിക്കറ്റിൽ ഷഫാലിയും ജെമൈമ റോഡ്രിഗസും (37 പന്തിൽ 34) 37 റണ്സ് കൂട്ടുകെട്ടുണ്ടാക്കി.
ഇന്ത്യൻ ഇന്നിംഗ്സിലെ ഉയർന്ന കൂട്ടുകെട്ടും ഇതായിരുന്നു. സ്കോർ 53ൽ എത്തിയപ്പോൾ ഷെഫാലി പുറത്തായി. ക്യാപ്റ്റൻ ഹർമൻപ്രീത് കൗറിന് (എട്ട്) ഇന്നലെയും തിളങ്ങാനായില്ല. ഏഴാം നന്പറിലെത്തിയ വേദ കൃഷ്ണമൂർത്തി 11 പന്തിൽ 20 റണ്സ് അടിച്ചതോടെ ഇന്ത്യ പൊരുതാനുള്ള സ്കോറിലെത്തി.
143 റണ്സ് വിജയലക്ഷ്യവുമായി ക്രീസിലെത്തിയ ബംഗ്ലാദേശ് ശ്രദ്ധയോടെ ഇന്നിംഗ്സ് മുന്നോട്ട് കൊണ്ടുപോയെങ്കിലും കൃത്യമായ ബൗളിംഗിലൂടെ ഇന്ത്യൻ വനിതകൾ ജയം കൈപ്പിടിയിലൊതുക്കി.
ബംഗ്ലാദേശിനായി നിഗർ സുൽത്താനയും (35) മുർഷിദ ഖാത്തൂനും (30) ഭേദപ്പെട്ട പ്രകടനം കാഴ്ചവച്ചു. ഇന്ത്യക്കായി പൂനം യാദവ് നാല് ഓവറിൽ 18 റണ്സ് വഴങ്ങി മൂന്ന് വിക്കറ്റ് വീഴ്ത്തി. ശിഖ പാണ്ഡെയും അരുദ്ധതി റെഡ്ഡിയും രണ്ട് വിക്കറ്റ് വീതം സ്വന്തമാക്കി.
ഗ്രൂപ്പ് എയിൽ ഇന്നലെ നടന്ന മറ്റൊരു മത്സരത്തിൽ ഓസ്ട്രേലിയ അഞ്ച് വിക്കറ്റിന് ശ്രീലങ്കയെ പരാജയപ്പെടുത്തി. സ്കോർ: ശ്രീലങ്ക 20 ഓവറിൽ ആറിന് 122. ഓസ്ട്രേലിയ 19.3 ഓവറിൽ അഞ്ചിന് 123.
കഴിഞ്ഞ രണ്ട് ദശാബ്ദങ്ങളായി കേരള കത്തോലിക്ക സഭയിൽ ആത്മീയ ഉണർവിന് കാരണമായി ദൈവം ഉയർത്തിയ അഭിഷേകാഗ്നി വചന ശുശ്രൂഷ 2026…
ടെസ്കോ അയർലൻഡ് തങ്ങളുടെ സ്റ്റോറുകളിലും വിതരണ കേന്ദ്രങ്ങളിലുമുള്ള മണിക്കൂർ വേതന തൊഴിലാളികൾക്ക് 2026 ജനുവരി 1 മുതൽ 3% ശമ്പള…
"Digital Age of Majority" എന്നറിയപ്പെടുന്ന സോഷ്യൽ മീഡിയ പ്ലാറ്റ്ഫോമുകളിലേക്ക് കുട്ടികൾക്കും യുവാക്കൾക്കും പ്രവേശനം നിരോധിക്കുന്നതിനെക്കുറിച്ച് അയർലൻഡും മറ്റ് യൂറോപ്യൻ…
ജീത്തു ജോസഫ്-മോഹൻ ലാൽ കോമ്പിനേഷനിലെ ദൃശ്യം - 3 ഫുൾ പായ്ക്കപ്പ്. പ്രേക്ഷകരുടെ ഇടയിൽ വലിയ സ്വാധീനമുള്ള ജോർജുകുട്ടിയുടേയും കുടുംബത്തിൻ്റേയും…
ജനറൽ എംപ്ലോയ്മെന്റ് പെർമിറ്റുക്കാർക്കും ക്രിട്ടിക്കൽ സ്കിൽസ് എംപ്ലോയ്മെന്റ് പെർമിറ്റുകാർക്കും ശമ്പളം വർധിക്കും എംപ്ലോയ്മെന്റ് പെർമിറ്റ് ശമ്പള പരിധികൾ വർദ്ധിപ്പിക്കുന്നതിനുള്ള റോഡ്മാപ്പ്…
ആസന്നമായ ക്രിസ്മസ് രാവുകൾക്ക് ഹരം പകരാൻ ഒരടിച്ചുപൊളി ഗാനമെത്തുന്നു. ബത് ലഹേമിലെ തൂവെള്ള രാത്രിയിൽ..... എന്നു തുടങ്ങുന്ന മനോഹരമായഗാനമാണ് എത്തിയിരിക്കുന്നത്.…