ദേശീയ സീനിയര്‍ വനിതാ ഹോക്കി; ബി ഡിവിഷൻ കിരീടപ്പോരാട്ടം ഇന്ന്

ബി ഡിവിഷൻ കിരീടപ്പോരാട്ടം ഇന്ന് – ഒറ്റ മത്സരം പോലും തോൽക്കാതെ ഫൈനലിലെത്തിയ സശസ്ത്ര സീമാ ബല്ലും സ്റ്റീൽ പ്ലാന്റ് സ്പോർട്സ് അതോറിറ്റിയും കിരീടത്തിനായി ഏറ്റുമുട്ടും. വൈകീട്ട് 4നാണ് ‘സൂപ്പർ ഗ്ലാമർ’ ഫൈനൽ – 12 ഗോളുകളുമായി സശസ്ത്ര സീമാ ബല്ലിന്റെ പ്രീതി സിമാറാണ് ടൂർണമെന്റ് ഗോൾസ്കോറർമാരിൽ മുന്നിട്ട് നിൽക്കുന്നത്.

9 ഗോളുകൾ നേടിയ എസ് എസ്.ബി യുടെ തന്നെ മനീഷ റാത്തി തൊട്ടുപിന്നിലുണ്ട്.ബി ഡിവിഷൻ ടൂർണമെൻറിലെ ഫൈനലിസ്റ്റുകൾ അടുത്ത വർഷത്തെ എ ഡിവിഷനിലേക്ക് നേരിട്ട് യോഗ്യത നേടി.ലൂസേഴ്സ് ഫൈനൽ ഉച്ചയ്ക്ക് 2 ന് നടക്കും. യൂക്കോ ബാങ്കും ബെംഗളുരുവും തമ്മിലാണ് വെങ്കല മെഡൽ ജേതാക്കളെ കണ്ടെത്താനുള്ള പോരാട്ടം.