മിഗ് -21 യുദ്ധവിമാനം തകർന്നുവീണുണ്ടായ അപകടത്തിൽ എയർ ഫോഴ്സ് പൈലറ്റ് മരിച്ചു

ഇന്ന് രാവിലെ മിഗ് -21 യുദ്ധവിമാനം തകർന്നുവീണുണ്ടായ അപകടത്തിൽ ഒരു വ്യോമസേന ഗ്രൂപ്പ് ക്യാപ്റ്റൻ മരിച്ചുവെന്ന് വ്യോമസേന പ്രസ്താവനയിൽ പറഞ്ഞു. യുദ്ധ പരിശീലന ദൗത്യത്തിനായി വിമാനം പറന്നുയരുന്ന സമയത്താണ് അപകടം സംഭവിച്ചത്.

വ്യോമസേനയുടെ പ്രസ്താവന എയർബേസിന്റെ സ്ഥാനം വെളിപ്പെടുത്തിയിട്ടില്ല. അപകടത്തിൽ വ്യോമസേനയ്ക്ക് നഷ്ടമായത് ഗ്രൂപ്പ് ക്യാപ്റ്റൻ എ ഗുപ്തയെയാണ്. അപകടകാരണം നിർണ്ണയിക്കാൻ അന്വേഷണത്തിന് ഉത്തരവിട്ടിട്ടുണ്ട്.