പാലക്കാട്: പാലക്കാട് ജില്ലയില് മാത്രം ഇന്ന് 19 പേര്ക്ക് കൊവിഡ് സ്ഥിരീകരിച്ചതായി റിപ്പോര്ട്ട്. ഇതില് 2 പേര് വിദേശത്ത് നിന്ന് വന്നവരാണെന്നും മന്ത്രി എ.കെ ബാലന് പറഞ്ഞു.
12 പേര് മറ്റ് സംസ്ഥാനങ്ങളില് നിന്ന് എത്തിയവരാണ്. മൂന്ന് ആരോഗ്യപ്രവര്ത്തകര്ക്കും രോഗം സ്ഥിരീകരിച്ചതായും മന്ത്രി പറഞ്ഞു. ആശങ്കപ്പെടേണ്ട കാര്യം ഇല്ലെന്നും ഇവര് കൃത്യമായി നിരീക്ഷണത്തില് കഴിഞ്ഞവരാണെന്നും മന്ത്രി പറഞ്ഞു.
നേരത്തെ ജോര്ദാന്, ദുബായ്, റോം, ബഹറിന് എന്നിവിടങ്ങളില് നിന്നും നെടുമ്പാശ്ശേരി, തിരുവനന്തപുരം അന്താരാഷ്ട്ര വിമാനത്താവളങ്ങളിലായി ഇന്നലെ (മെയ് 22) ജില്ലയിലെത്തിയത് 42 പാലക്കാട് സ്വദേശികളാണെന്ന് കളക്ടര് വ്യക്തമാക്കിയിരുന്നു. ഇവരില് 22 പേരെ ഇന്സ്റ്റിറ്റിയൂഷനല് ക്വാറന്റൈനില് പ്രവേശിപ്പിച്ചു. ബാക്കിയുള്ളവര് വീടുകളില് നിരീക്ഷണത്തിലാണ്.
ജോര്ദാനില് നിന്നും കൊച്ചി അന്താരാഷ്ട്ര വിമാനത്താവളത്തില് എത്തിയ 17 പാലക്കാട് സ്വദേശികളില് 11 പേരെ ഇന്സ്റ്റിറ്റിയൂഷനല് ക്വാറന്റൈനിലാക്കി. 11 പേരും പാലക്കാട് ഐ ടി എല് റസിഡന്സിയില് ആണ് നിരീക്ഷണത്തില് ഉള്ളത്. ബാക്കി 6 പേര് വീടുകളില് നിരീക്ഷണത്തിലാണ്.
ദുബായില് നിന്നും കൊച്ചി അന്താരാഷ്ട്ര വിമാനത്താവളത്തില് എത്തിയ പാലക്കാട് സ്വദേശികളായ 14 പേരില് 5 പേരെ പാലക്കാട് വിക്റ്റോറിയ കോളേജ് ഹോസ്റ്റലില് ഇന്സ്റ്റിട്യുഷനല് ക്വാറന്റൈന് ചെയ്തിട്ടുണ്ട്. ബാക്കി 9 പേര് വീടുകളില് നിരീക്ഷണത്തിലാണ്.
റോമില് നിന്നും കൊച്ചി അന്താരാഷ്ട്ര വിമാനത്താവളത്തില് എത്തിയ 9 പാലക്കാട് സ്വദേശികളില് നാലുപേരെ ആലത്തൂര് ക്രസന്റ് നഴ്സിംഗ് കോളേജ് ഹോസ്റ്റലില് ഇന്സ്റ്റിറ്റിയൂഷനല് ക്വാറന്റൈന് ചെയ്തിട്ടുണ്ട്. ബാക്കി അഞ്ചു പേര് വീടുകളില് നിരീക്ഷണത്തിലാണ്.
ബഹ്റൈനില് നിന്നും തിരുവനന്തപുരം അന്താരാഷ്ട്ര വിമാനത്താവളത്തില് എത്തിയ പാലക്കാട് സ്വദേശികളായ രണ്ട് പേരെ പാലക്കാട് ഗവ. മെഡിക്കല് കോളേജ് ഹോസ്റ്റലില് ഇന്സ്റ്റിറ്റിയൂഷനല് ക്വാറന്റൈന് ചെയ്തിട്ടുണ്ട്.
വിമാനത്താവളത്തിലെ പരിശോധനയ്ക്കുശേഷം ജില്ലയിലെ കോവിഡ് കെയര് കണ്ട്രോള് സെന്ററായ ചെമ്പൈ സംഗീത കോളേജില് ഇന്ന് (മെയ് 23)പുലര്ച്ചെ എത്തിയവരെയാണ് ഇന്സ്റ്റിറ്റിയൂഷനല് ക്വാറന്റൈനില് പ്രവേശിപ്പിച്ചിരിക്കുന്നത്.
ജില്ലയില് വീടുകളിലും സര്ക്കാരിന്റെ കോവിഡ് കെയര് സെന്ററുകളിലുമായി 484 പ്രവാസികളാണ് നിരീക്ഷണത്തില് ഉള്ളത്. ഇവരില് 255 പേരാണ് ഇന്സ്റ്റിട്യൂഷനല് ക്വാറന്റൈനില് ഉള്ളത്. ചിറ്റൂര് കരുണ മെഡിക്കല് കോളേജില് 21 പേരും എലപ്പുള്ളി അഹല്യ ഹെറിറ്റേില് 19 പേരും ചെര്പ്പുളശ്ശേരി ശങ്കര് ഹോസ്പിറ്റലില് 19 പേരും പാലക്കാട് ഹോട്ടല് ഇന്ദ്രപ്രസ്ഥയില് 20 പേരും പാലക്കാട് ഗവ. മെഡിക്കല് കോളേജിലെ മെഡിക്കല് വിദ്യാര്ത്ഥികളുടെ ഹോസ്റ്റലില് ഉള്ള 24 പേരും പട്ടാമ്പി സലാഹുദ്ദീന് അയ്യൂബി ഇംഗ്ലീഷ് മീഡിയം സ്കൂളിലെ ഹോസ്റ്റലിലുള്ള 23 പേരും ചാലിശ്ശേരി റോയല് ഡെന്റല് കോളേജിലെ 36 പേരും കുളപ്പുള്ളി അല് അമീന് എഞ്ചിനീയറിംഗ് കോളേജ് ഹോസ്റ്റലിലെ 30 പേരും അകത്തേത്തറ എന് എസ് എസ് എഞ്ചിനീയറിംഗ് കോളേജ് ഹോസ്റ്റലിലെ 30 പേരും പാലക്കാട് ഐ.റ്റി. എല് റെസിഡന്സിലെ 19 പേരും സായൂജ്യം റസിഡന്സി അഞ്ചുപേരും വിക്ടോറിയ കോളേജ് ഹോസ്റ്റലിലെ അഞ്ചുപേരും ആലത്തൂര് ക്രസന്റ് നഴ്സിംഗ് കോളേജ് ഹോസ്റ്റലിലെ നാലുപേരും ഉള്പ്പെടെയാണിത്.
ഇതിനു പുറമേ ജില്ലയില് 229 പ്രവാസികള് വീടുകളില് നിരീക്ഷണത്തില് തുടരുകയാണ്.
ജൂൺ മാസത്തിലെ മലയാളം Mass (Roman) Dublin 15ൽ Church of Mary Mother of Hope പള്ളിയിൽ…
യൂറോപ്യൻ യൂണിയനിൽ നിയമപരമായ താമസാവകാശമില്ലാത്ത കുടിയേറ്റക്കാരെ വേഗത്തിൽ തിരിച്ചയക്കുന്നതിനുള്ള പുതിയ നിയമനിർദേശത്തിന് യൂറോപ്യൻ പാർലമെന്റിന്റെ അംഗീകാരം ലഭിച്ചു. കുടിയേറ്റ നിയന്ത്രണ…
അയർലണ്ടിലെ പണപ്പെരുപ്പ നിരക്ക് പ്രതീക്ഷിച്ചതിനേക്കാൾ ഉയർന്നേക്കാമെന്ന് മുന്നറിയിപ്പ് നൽകി സെൻട്രൽ ബാങ്ക്. ഗുരുതരമായ സാഹചര്യം ഉണ്ടായാൽ 2027-ൽ രാജ്യത്തെ പണപ്പെരുപ്പം…
ആഷിക്ക് ഉസ്മാൻ പ്രൊഡയ്ഷൻസിൻ്റെ ബാനറിൽ ആഷിക്ക് ഉസ്മാൻ നിർമ്മിച്ച് തരുൺ മൂർത്തി സംവിധാനം ചെയ്യുന്ന അതിമനോഹരം എന്ന ചിത്രത്തിൻ്റെ ചിത്രീകരണം…
സംഗീതവും സംസ്കാരവും വിനോദവും താരസാന്നിധ്യവും ഒരേ വേദിയിൽ ഒന്നിക്കുന്ന കേരള ഹൗസ് കാർണിവൽ 2026ന് വമ്പൻ ഒരുക്കങ്ങളാണ് പൂർത്തിയായിരിക്കുന്നത്. കേരളത്തിന്റെ…
⚽ ലോകകപ്പിൽ മെസിക്ക് ചരിത്രനേട്ടം അർജന്റീന നായകൻ Lionel Messi ലോകകപ്പ് ഉദ്ഘാടന മത്സരത്തിൽ തന്റെ 200-ാം അന്താരാഷ്ട്ര മത്സരം…