‘അഭിമുഖത്തിന് എത്തിച്ചത് ശ്യാംലാൽ’; ടൈറ്റാനിയം തട്ടിപ്പിലെ മുഖ്യപ്രതി പിടിയിൽ

ടൈറ്റാനിയം തൊഴിൽത്തട്ടിപ്പ് കേസ് മുഖ്യപ്രതി ശ്യാംലാൽ പിടിയിൽ. ഇന്നു പുലർച്ചെ പിടികൂടിയ ശ്യാംലാലിനെ തിരുവനന്തപുരം കമ്മിഷണർ ഓഫിസിലെത്തിച്ച് ചോദ്യം ചെയ്യുകയാണ്. ടൈറ്റാനിയം ജോലി തട്ടിപ്പുമായി റജിസ്റ്റർ ചെയ്ത 14 കേസിലും പ്രതിയാണ് ശ്യാംലാൽ. കഴിഞ്ഞ ദിവസം തട്ടിപ്പിന്റെ മുഖ്യ സൂത്രധാരനായ കമ്പനി ലീഗൽ ഡിജിഎം ശശികുമാരൻ തമ്പി ഉൾപ്പെടെയുള്ള നാലു പേർക്കൊപ്പം ശ്യാംലാൽ കോടതിയിൽ മുൻകൂർ ജാമ്യാപേക്ഷ നൽകിയിരുന്നു. എന്നാൽ ഹർജി കോടതി ജനുവരി അഞ്ചിലേക്കു മാറ്റി.

വേളിയിലെ ടൈറ്റാനിയം പ്ലാന്റിൽ ജോലി വാഗ്ദാനം ചെയ്ത് പലരിൽനിന്നും ദിവ്യ നായരും സംഘവും കോടികൾ തട്ടിയെടുത്തതായാണ് പരാതി. ദിവ്യയ്ക്കും ശ്യാംലാലിനും പുറമെ ദിവ്യയുടെ ഭർത്താവ് രാജേഷ്, ടൈറ്റാനിയം ലീഗൽ ഡെപ്യൂട്ടി ജനറൽ മാനേജർ ശശികുമാരൻ തമ്പി, ഇയാളുടെ സുഹൃത്തുക്കളായ പ്രേംകുമാർ, എന്നിവരാണ് കേസിലെ മറ്റുപ്രതികൾ. കേസിലെ മുഖ്യപ്രതി ദിവ്യ നായർ ദിവസങ്ങൾക്ക് മുമ്പ് അറസ്റ്റിലായിരുന്നു.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/BvzwqMI97baHONxRBIQs88