ഇന്ത്യയിലേക്കുള്ള നുഴഞ്ഞുകയറ്റക്കാര്‍ വര്‍ധിച്ചുവെന്ന് ബി.എസ്.എഫ്

ന്യൂഡല്‍ഹി: ഇന്ത്യയിലേക്ക് നിരവധിപേര്‍ ഈ സമീപകാലത്ത് നുഴഞ്ഞു കയറാന്‍ ശ്രമിക്കുന്നുണ്ടെന്നും എത്ര പേര്‍ ഇതിനകം ഇന്ത്യയിലേക്ക് എത്തിപ്പെട്ടുവെന്നും അറിയില്ലെന്നും ബി.എസ്.എഫ് വെളിപ്പെടുത്തി. ജമ്മു കാശ്മീരിലൂടെയും പഞ്ചാബുവഴിയും മാത്രമായിരുന്നു മുന്‍പ് നുഴഞ്ഞു കയറ്റക്കാര്‍ ഇന്ത്യയിലേക്ക് വന്നിരുന്നത്. എന്നാല്‍ ഇപ്പോള്‍ ഗുജറാത്ത്, രാജസ്ഥാന്‍ അതിര്‍ത്തികളും ഇതിനായി ഉപയോഗിക്കുന്നു എന്നാണ് അറിവ്.

ഈ വര്‍ഷത്തെ ബി.എസ്.എഫിന്റെ കണക്കുകള്‍ റിപ്പോര്‍ട്ടുകള്‍ എന്നിവ പരിശോധിക്കുമ്പോള്‍ ഇന്ത്യയിലേക്കുള്ള റിപ്പോര്‍ട്ട് ചെയ്യപ്പെട്ട നുഴഞ്ഞു കയറ്റ ശ്രമങ്ങള്‍ തന്നെ മുന്‍വര്‍ഷങ്ങളിലേതിനേക്കാള്‍ വര്‍ധിച്ചുവെന്ന് വ്യക്തമായി കാണാം. കഴിഞ്ഞ വര്‍ഷത്തേക്കാള്‍ ഗുജറാത്ത്, രാജസ്ഥാന്‍ വഴിയുള്ള പാക് തീവ്രവാദികളുടെ നുഴഞ്ഞുകയറ്റം ബി.എസ്.എഫ് ധാരാളമായി ഈ വര്‍ഷം രേഖപ്പെടുത്തിയിട്ടുണ്ട്. പഞ്ചാബ്, രാജസ്ഥാന്‍, കാശ്ചീര്‍, ഗുജറാത്ത് എന്നീ അതിര്‍ത്തികള്‍ വഴി ഈ വര്‍ഷം 11 നുഴഞ്ഞു കയറ്റ ശ്രമങ്ങള്‍ നടന്നു.