ഇന്ത്യന് സര്ക്കാര് പ്രഖ്യാപിച്ച നിരോധനാജ്ഞയിലും വിലക്കുകളിലും വലഞ്ഞ കശ്മീരിന്റെ ചിത്രം പകര്ത്തി പുലിറ്റ്സര് പ്രൈസിനര്ഹരായി ഇന്ത്യയിലെ ന്യൂസ് ഏജന്സി ഫോട്ടോഗ്രാഫര്മാര്. അസോസിയേറ്റ് പ്രസിലെ ഫോട്ടോഗ്രാഫര്മാരായ ദാര് യാസിന്, മുക്താര് ഖാന്, ചന്നി ആനന്ദ് എന്നീ ഫോട്ടോഗ്രാഫര്മാര്ക്കാണ് 2020 ലെ ഫീച്ചര് ഫോട്ടോഗ്രഫി വിഭാഗത്തില് പുലിറ്റ്സര് പ്രൈസ് ലഭിച്ചത്.
തിങ്കളാഴ്ചയാണ് സമ്മാന ജേതാക്കളെ പ്രഖ്യാപിച്ചത്. കൊവിഡിന്റെ പ്രത്യേക സാഹചര്യം പരിഗണിച്ച് പുലിറ്റ്സര് അഡ്മിനിസ്ട്രേറ്റര് ആയ ദാന കാനഡി തന്റെ വീട്ടിലിരുന്ന് ലൈവ് സ്ട്രീമിംഗിലൂടെയായിരുന്നു പുരസ്കാര ജേതാക്കളെ പ്രഖ്യാപിച്ചത്.
‘ജീവിതത്തിന്റെ ശ്രദ്ധേയമായ ചിത്രങ്ങള്’ പകര്ത്തിയതിനാണ് ഇത്തവണത്തെ ഫോട്ടോഗ്രാഫര്മാര്ക്കുള്ള പുരസ്കാരം കശ്മീരി ഫോട്ടോഗ്രാഫര്മാര്ക്ക് നല്കിയതെന്ന് പുലിറ്റ്സറിന്റെ വെബ്സൈറ്റില് കുറിച്ചു.
പ്രത്യേക പദവി എടുത്തുകളഞ്ഞതുമായി ബന്ധപ്പെട്ട് കശ്മീരില് നിലനില്ക്കുന്ന സംഘര്ഷാവസ്ഥകളെ ക്യാമറകളില് പകര്ത്തുകയായിരുന്നു ന്യൂസ് ഏജന്സിയുടെ ഫോട്ടോഗ്രാഫര്മാര്.
കശ്മീരിലെ പ്രധാന നഗരമായ ശ്രീനഗറില് പ്രവര്ത്തിക്കുന്ന ഫോട്ടോഗ്രാഫര്മാരാണ് യാസിനും മുക്താര് ഖാനും. ജമ്മു കശ്മീര് ജില്ലയിലാണ് ആനന്ദ് ജോലിചെയ്യുന്നത്.
ഇവരുടെ ചിത്രങ്ങള് ‘പ്രധാന്യമര്ഹിക്കുന്നതും ഗംഭീരവു’മാണെന്നാണ് അസോസിയേറ്റ് പ്രസിന്റെ പ്രസിഡന്റും സി.ഇ.ഒയുമായ ഗാരി പ്ര്യൂട്ട് പറഞ്ഞത്.
ശ്രീനഗറില് പൊലീസുമായി നടക്കുന്ന സംഘര്ഷാവസ്ഥയില് കശ്മീരി യുവാവ് ഇന്ത്യന് പൊലീസിന്റെ വാഹനത്തിന്റെ ബോണറ്റിലേക്ക് ചാടി കല്ലെറിയുന്ന ചിത്രമാണ് ദാര് യാസിനെ പുരസ്കാരത്തിനര്ഹനാക്കിയത്.
ഇന്ത്യന് പട്ടാളക്കാര് എറിഞ്ഞതെന്നു കരുതപ്പെടുന്ന മാര്ബിള് ബോളുകൊണ്ട് വലതു കണ്ണിന് പരിക്കേറ്റ മുനീഫ നാസിര് എന്ന ആറു വയസ്സുകാരിയുടെ ചിത്രമാണ് മുക്താര് ഖാനെ പുരസ്കാരത്തിനര്ഹനാക്കിയത്.
ഇന്ത്യാ- പാകിസ്ഥാന് അതിര്ത്തിയുടെ 35 കിലോമീറ്റര് ഇപ്പുറത്ത് ജാഗ്രതയോടെ നിരീക്ഷിക്കുന്ന ബി.എസ്.എഫ് പട്ടാളക്കാരന്റെ ചിത്രത്തിനാണ് ചന്നി ആനന്ദിന് പുരസ്കാരം ലഭിച്ചത്.
മാധ്യമപ്രവര്ത്തകര്ക്കു നല്കുന്ന ലോകത്തിലെ ഏറ്റവും വലിയ പുരസ്കാരമാണ് പുലിറ്റ്സര് പ്രൈസ്.
അയർലണ്ടിൽ അപകടകരമായ ഡ്രൈവിംഗും വാഹനമോഷണവുമായി ബന്ധപ്പെട്ട വീഡിയോകൾ വ്യാപകമായി പ്രചരിക്കുന്ന സാഹചര്യത്തിൽ സോഷ്യൽ മീഡിയ പ്ലാറ്റ്ഫോമായ ടിക്ടോക്കുമായി ബന്ധപ്പെട്ടു മീഡിയ…
മുകളിലേക്ക് ഉറ്റുനോക്കി നിൽക്കുന്ന അർജുൻ അശോകൻ, അർജൻ്റെ ശരീരത്തിൻ്റെ വിവിധ ഭാഗങ്ങളിൽഅമർത്തിപ്പിടിച്ചിരിക്കുന്ന അൽത്താഫ് സലിം, ബാലു വർഗീസ്, സനൂപ് തൈക്കൂടം,ശരത്…
M9 മോട്ടോർവേയിലെ ദാരുണ അപകടത്തിന്റെ പശ്ചാത്തലത്തിൽ അയർലണ്ടിലെ റോഡുകളിൽ നടക്കുന്ന അശ്രദ്ധമായ ഡ്രൈവിങ്ങിനോട് യാതൊരു വിട്ടുവീഴ്ചയും ഉണ്ടാകില്ലെന്ന് Taoiseach Micheál…
The Church of Scientology & Community Centre of Dublin has highlighted a series of community…
അയർലണ്ടിൽ വീടുകളുടെ നവീകരണത്തിനും വിപുലീകരണ പ്രവർത്തനങ്ങൾക്കുമായി എടുക്കുന്ന മോർട്ട്ഗേജ് ടോപ്പ്-അപ്പ് വായ്പകൾ 16 വർഷത്തിനിടയിലെ ഏറ്റവും ഉയർന്ന നിലയിലെത്തിയതായി മോർട്ട്ഗേജ്…
അയർലണ്ടിലെ കോ കിൽഡെയറിലെ M9 മോട്ടോർവേയിൽ എതിർദിശയിൽ സഞ്ചരിച്ച കാർ മറ്റൊരു വാഹനവുമായി കൂട്ടിയിടിച്ചുണ്ടായ അപകടത്തിൽ നിരവധി പേർ മരിച്ചു.…