”കുട്ടികളുടെ മികച്ച ആരോഗ്യത്തിന് വിറ്റാമിന്‍ -ഡി വിന്റര്‍ സപ്ലിമെന്റ് ” -ആരോഗ്യവകുപ്പ്

അയര്‍ലണ്ട്: കുട്ടികളുടെ മികച്ച ആരോഗ്യ സംരക്ഷണത്തിനായി അയര്‍ലണ്ടിലെ ആരോഗ്യ വകുപ്പ് പുറപ്പെടുവിക്കുന്ന പുതിയ മാര്‍ഗ്ഗനിര്‍ദ്ദേശങ്ങള്‍ പ്രകാരം ഓരോ വര്‍ഷവും ഒരു വയസിനും നാല് വയസ്സിനും ഇടയില്‍ പ്രായമുള്ള കുട്ടികള്‍ ഹാലോവീനിനും സെന്റ് പാട്രിക് ദിനത്തിനും ഇടയില്‍ വിറ്റാമിന്‍-ഡി സപ്ലിമെന്റുകള്‍ നിര്‍ബന്ധമായും കഴിച്ചിരിക്കണമെന്ന് നിര്‍ദ്ദേശിച്ചു.

അയര്‍ലണ്ടില്‍ ഇപ്പോഴുള്ള കാലാവസ്ഥയ്്ക്ക് അനുസരിച്ച് കുട്ടികളുടെ ആരോഗ്യ സ്ഥിതിയും വഷളാവാനുള്ള സാധ്യത നിലനില്‍ക്കേ, ഇപ്പോള്‍ അയര്‍ലണ്ടില്‍ താമസിക്കുന്ന കുട്ടികള്‍ക്ക് ശൈത്യകാലത്ത് വിറ്റാമിന്‍ വേണ്ടത്ര ലഭിക്കാത്തതിനാല്‍ ഇത്തരം ആരോഗ്യ മാനദണ്ഡങ്ങള്‍ അത്യാവശ്യമാണെന്ന് ആരോഗ്യ വകുപ്പ് പറയുന്നു.

നമ്മുടെ വിറ്റാമിന്‍ ഡിയുടെ ഭൂരിഭാഗവും സൂര്യപ്രകാശത്തില്‍ നിന്നാണ് നമ്മുടെ ചര്‍മ്മത്തിലെത്തുന്നത്. കുട്ടികള്‍ ആവശ്യത്തിന് സൂര്യപ്രകാശം ഏല്‍ക്കുമ്പോള്‍ അതനുസരിച്ച് അവരുടെ ശരീരത്തില്‍ വൈറ്റമിന്‍-ഡി ആവശ്യത്തിന് ഉല്പാദിപ്പിക്കപ്പെടുകയും ചര്‍മ്മത്തിന് കീഴില്‍ വിറ്റാമിന്‍ രൂപം കൊള്ളുകയും ചെയ്യുന്നു

ഈ കാലയളവില്‍ ദിവസേന 5 മില്ലിഗ്രാം ‘വിറ്റാമിന്‍ ഡി മാത്രം’ സപ്ലിമെന്റുകള്‍ കുട്ടികള്‍ക്ക് നല്‍കണമെന്ന് മാര്‍ഗ്ഗനിര്‍ദ്ദേശങ്ങളില്‍ കര്‍ശനമായി പറയുന്നുണ്ട്. കുട്ടികള്‍ക്ക് ഭക്ഷണത്തില്‍ ആവശ്യത്തിന് ഇരുമ്പ് ഉണ്ടെന്ന് ഉറപ്പാക്കാനും , ആഴ്ചയില്‍ മൂന്ന് തവണ ചുവന്ന മാംസം നല്‍കിക്കൊണ്ടും ആഴ്ചയില്‍ പല തവണ കുറഞ്ഞത് 12 മി.ഗ്രാം / 100 ഗ്രാം ഇരുമ്പ് അടങ്ങിയിരിക്കുന്ന പ്രഭാതഭക്ഷണ ധാന്യങ്ങള്‍ ഭക്ഷണത്തില്‍ ഉള്‍പ്പെടുത്തണമെന്നും ആരോഗ്യവകുപ്പ് പുറത്തിറക്കിയ പുതിയ മാര്‍്ഗ്ഗനിര്‍ദ്ദേശങ്ങളില്‍ പറയന്നു.

ഒരു കുട്ടി പ്രായത്തില്‍ വളരെ ചെറുതാണെങ്കില്‍, അവരുടെ കുടുംബം ഒരു ഡയറ്റീഷ്യനുമായി ഉപദേശം തേടണം. എന്നിട്ട് മാത്രമെ ഭക്ഷണക്രമീകരണങ്ങളും മറ്റും നടത്തുവാന്‍ പാടുകളയുള്ളൂ. എന്തളവില്‍ ഭക്ഷണം കുട്ടികള്‍ക്ക് കൊടുക്കണം എന്നതും പുതിയ മാര്‍ഗ്ഗ നിര്‍ദ്ദേശങ്ങളില്‍ പ്രതിപാദിക്കുന്നുണ്ട്.

ആരോഗ്യമന്ത്രി സ്റ്റീഫന്‍ ഡൊണല്ലി, കുട്ടികളുടെ മന്ത്രി റോഡെറിക് ഒ ഗോര്‍മാന്‍, പൊതുജനാരോഗ്യ, ക്ഷേമ സഹമന്ത്രി ഫ്രാങ്ക് ഫീഗാന്‍ എന്നിവര്‍ ഒന്ന് മുതല്‍ നാല് വയസ്സുവരെയുള്ള കുട്ടികള്‍ക്കായി ആദ്യമായി ദേശീയ ആരോഗ്യകരമായ ഭക്ഷണ മാര്‍ഗ്ഗനിര്‍ദ്ദേശങ്ങള്‍ പുറത്തുവിടുകയും നടപ്പില്‍ വരുത്തുകയും ചെയ്തു.

മാര്‍ഗ്ഗനിര്‍ദ്ദേശങ്ങളുടെ സമാരംഭത്തില്‍ സംസാരിച്ച മന്ത്രി ഡൊണെല്ലി പറഞ്ഞു: ”ഞങ്ങളുടെ കുട്ടികള്‍ക്ക് ഏറ്റവും മികച്ച തുടക്കം നല്‍കാന്‍ ഞങ്ങള്‍ ആഗ്രഹിക്കുന്നു, ഭക്ഷണവുമായി ആരോഗ്യകരമായ ബന്ധം സ്ഥാപിക്കാന്‍ അവരെ സഹായിക്കുന്നത് അവരുടെ ജീവിതകാലം മുഴുവന്‍ അവര്‍ക്ക് ഗുണം ചെയ്യും. ഈ മാര്‍ഗ്ഗനിര്‍ദ്ദേശങ്ങള്‍ മാതാപിതാക്കളെയും പരിചാരകരെയും അവരുടെ കുട്ടികളെ ആരോഗ്യകരമായ ജീവിതത്തിനായി സജ്ജമാക്കാന്‍ സഹായിക്കും.