പെട്രോളുമായി വന്ന ടാങ്കർ ലോറി മറിഞ്ഞു; ഡ്രൈവർ പരുക്കേറ്റ നിലയിൽ, സ്ഥലത്തെത്തിയ നാട്ടുകാർ പെട്രോൾ ഊറ്റിയെടുക്കുന്ന തിരക്കിൽ

ന്യൂഡൽഹി: പെട്രോളുമായി വന്ന ടാങ്കർ ലോറി മറിഞ്ഞ് ഡ്രൈവർക്ക് പരിക്ക്. അപകട സ്ഥലത്തേക്ക് ഡസൻ കണക്കിന് നാട്ടുകാർ ഓടിയെത്തിയെങ്കിലും പരിക്കേറ്റവരെ സഹായിക്കാതെ, അവർ ടാങ്കർ ലോറിയിൽനിന്നു പെട്രോൾ ഊറ്റിഎടുക്കുകയായിരുന്നു. ഫണലുകൾ ഉപയോഗിച്ചും കൈകൾ ഉപയോഗിച്ചുമാണ് കുപ്പികൾ കുപ്പികൾ അവർ വേഗത്തിൽ നിറക്കുന്നത്. ഈ സമയം ഡ്രൈവറും സഹായിയും വൈദ്യസഹായം ലഭിക്കാതെ വാഹനത്തിൽ തന്നെ കിടക്കുകയായിരുന്നു.

ഗ്വാളിയറിൽ നിന്ന് ഷിയോപൂരിലേക്ക് പോകുന്ന ഇന്ധന ടാങ്കറാണ് അപകടത്തിൽ പെട്ടത്. അമിതവേഗം കാരണമാണ് അപകടം സംഭവിച്ചത്. മധ്യപ്രദേശിലെ ശിവപുരി ജില്ലയിലാണ് സംഭവം നടന്നത്. പെട്രോൾ വില ലിറ്ററിന് 106 രൂപയാണ്.

സംഭവസ്ഥലത്ത് പൊലീസ് എത്തിയെങ്കിലും പെട്രോൾ ഊറ്റുന്നതിൽനിന്നു നാട്ടുകാരെ തടയാനായില്ല. സംഭവത്തിന്റെ വീഡിയോ സമൂഹമാധ്യമങ്ങളിൽ വൈറലായിരിക്കുകയാണ്.