കെനിയയിൽ 190 കുട്ടികളെ പട്ടിണിക്കിട്ട് കൊലപ്പെടുത്തിയ കേസ്: കൾട്ട് നേതാവ് കുറ്റക്കാരൻ ശിക്ഷ നവംബർ 6-ന് പ്രഖ്യാപിക്കും

നെയ്‌റോബി: യേശുവിനെ കാണാമെന്ന പേരിൽ അനുയായികളുടെ കുട്ടികളെ നിർബന്ധിതമായി പട്ടിണിക്കിട്ട് കൊലപ്പെടുത്തിയ കെനിയൻ ക്രൈസ്തവ കൾട്ട് (സെറ്റ്) നേതാവ് പോൾ മക്കെൻസി കുറ്റക്കാരനാണെന്ന് കോടതി കണ്ടെത്തി. മൊംബാസ ഹൈക്കോടതിയാണ് അദ്ദേഹത്തെയും മറ്റ് 30 കൂട്ടുപ്രതികളെയും ശിക്ഷിച്ചത്.

ഷകാഹോള കാടുകളിൽ വെച്ച് 191 പേരുടെ മരണത്തിനാണ് ഇവർ കാരണക്കാരായത്. ഇതിൽ 190 പേരും കുട്ടികളാണ്. കെനിയയുടെ ചരിത്രത്തിലെ ഏറ്റവും ഗൗരവമേറിയ ക്രിമിനൽ കേസുകളിലൊന്നായാണ് പ്രോസിക്യൂഷൻ ഇതിനെ വിശേഷിപ്പിച്ചത്.

മതവിശ്വാസത്തിന്റെ പേരിൽ അനുയായികളെയും കുട്ടികളെയും മക്കെൻസിയും സംഘവും പട്ടിണിക്കിട്ടു. കുട്ടികളെയാണ് ആദ്യം പട്ടിണിക്കിട്ടത്. ആരും രക്ഷപ്പെടാതിരിക്കാൻ കാവൽക്കാരെയും ഏർപ്പെടുത്തിയിരുന്നു. ആധുനിക വൈദ്യശാസ്ത്രത്തെയും ഔദ്യോഗിക വിദ്യാഭ്യാസത്തെയും ഇയാൾ എതിർത്തിരുന്നു.

2023 ഏപ്രിൽ മുതൽ ഷകാഹോള കാടുകളിൽ നടത്തിയ പരിശോധനയിൽ ഇതുവരെ 429 മൃതദേഹങ്ങൾ കണ്ടെടുത്തു. ചില ഇരകൾ പട്ടിണികൊണ്ടുമാത്രമല്ല, ശ്വാസതടസ്സം നേരിട്ടും തലയ്ക്ക് പരിക്കേറ്റുമാണ് മരിച്ചതെന്ന് പോസ്റ്റ്‌മോർട്ടം റിപ്പോർട്ടിൽ വ്യക്തമായി.

പോൾ മക്കെൻസിക്കും മറ്റ് പ്രതികൾക്കുമുള്ള ശിക്ഷ നവംബർ 6-ന് പ്രഖ്യാപിക്കും. പ്രതിഭാഗം വിധിയിൽ അപ്പീൽ പോകുമെന്ന് അറിയിച്ചിട്ടുണ്ട്.

വാർത്ത – പി പി ചെറിയാൻ

https://www.instagram.com/gnn24x7.ie?igsh=YzljYTk1ODg3Zg==

Please join

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Kf08R3ou9gF8zRa3kWEANh?s=cl&p=a&mlu=4&ilr=4