ഹോളിവുഡ് താരം ബ്ലെയ്ക്ക് ഗാരറ്റ് അന്തരിച്ചു; മരണകാരണം ഇനിയും അവ്യക്തം

പ്രശസ്തമായ ‘How To Eat Fried Worms’ (2006) എന്ന ചിത്രത്തിലൂടെ ലോകമെമ്പാടുമുള്ള പ്രേക്ഷകരുടെ പ്രിയങ്കരനായി മാറിയ മുൻ ബാലതാരം ബ്ലെയ്ക്ക് ഗാരറ്റ് (33) ഞായറാഴ്ച ഫെബ്രുവരി 8,നു അന്തരിച്ചു.

ബ്ലെയ്ക്കിന്റെ മരണകാരണം ഇതുവരെ ഔദ്യോഗികമായി സ്ഥിരീകരിച്ചിട്ടില്ല. മെഡിക്കൽ എക്സാമിനറുടെ റിപ്പോർട്ടിനായി കുടുംബം കാത്തിരിക്കുകയാണ്.
മരണത്തിന് തൊട്ടുമുമ്പുള്ള ദിവസങ്ങളിൽ ബ്ലെയ്ക്ക് കടുത്ത ശാരീരിക വേദന അനുഭവിച്ചിരുന്നതായി അമ്മ കരോൾ വെളിപ്പെടുത്തി. കഴിഞ്ഞ ആഴ്ച ഒക്ലഹോമയിലെ എമർജൻസി റൂമിൽ പ്രവേശിപ്പിച്ച ഇദ്ദേഹത്തിന് ‘ഷിംഗിൾസ്’ (Shingles) എന്ന അസുഖം സ്ഥിരീകരിച്ചിരുന്നു.

കടുത്ത ശാരീരിക വേദന കുറയ്ക്കാൻ ബ്ലെയ്ക്ക് സ്വയം മരുന്ന് കഴിച്ചിരിക്കാമെന്നും (self-medicated), മരണം ഒരു ദാരുണമായ അപകടമായിരിക്കാം എന്നുമാണ് അമ്മയുടെ നിഗമനം.

പത്താം വയസ്സിൽ നാടകങ്ങളിലൂടെ അഭിനയരംഗത്തെത്തിയ ബ്ലെയ്ക്ക് ‘Barney’s Colorful World’ എന്ന ഷോയിലൂടെയാണ് ശ്രദ്ധിക്കപ്പെട്ടത്. 2006-ൽ ‘How To Eat Fried Worms’ എന്ന ചിത്രത്തിലെ പ്രകടനത്തിന് മികച്ച യുവതാരങ്ങൾക്കുള്ള പുരസ്കാരവും ഇദ്ദേഹം ഉൾപ്പെട്ട സംഘത്തിന് ലഭിച്ചിരുന്നു.

മൂന്ന് വർഷം മുമ്പ് മദ്യപാന ശീലത്തിൽ നിന്ന് പൂർണ്ണമായും മുക്തനായ ബ്ലെയ്ക്ക് ഒക്ലഹോമയിൽ സന്തോഷകരമായ ജീവിതം നയിച്ചു വരികയായിരുന്നു.

ബ്ലെയ്ക്കിന്റെ അപ്രതീക്ഷിത വിയോഗത്തിൽ സോഷ്യൽ മീഡിയയിലൂടെ നിരവധി ആരാധകരാണ് അനുശോചനം രേഖപ്പെടുത്തുന്നത്.

വാർത്ത: പി.പി.ചെറിയാൻ

Follow Us on Instagram!
GNN24X7 IRELAND :

https://www.instagram.com/gnn24x7.ie?igsh=YzljYTk1ODg3Zg==

Please join

https://chat.whatsapp.com/DMcx9ffd8nI5hZfAUsl96s?mode=hqrt3

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb