വാഷിംഗ്ടണ്: കൊവിഡ്-19 ല് ചൈനയ്ക്കെതിരെ വിമര്ശനവുമായി അമേരിക്കന് പ്രസിഡന്റ് ഡൊണാള്ഡ് ട്രംപ് വീണ്ടും രംഗത്ത്. കൊവിഡ് ലോകത്ത് പടര്ന്നു പിടിച്ചതിനിന്റെ ഉത്തരവാദിത്വം ചൈനയ്ക്കാണെന്നും ഇതിന്റെ പ്രതിബന്ധങ്ങള് ചൈന നേരിടേണ്ടി വരുമെന്നുമാണ് ട്രംപിന്റെ മുന്നറിയിപ്പ്.
വൈറ്റ്ഹൗസില് മാധ്യമങ്ങളോട് സംസാരിക്കവെയാണ് ട്രംപിന്റെ പ്രതികരണം.
‘ ഇത് തുടങ്ങുന്നതിനു മുമ്പ് തന്നെ (കൊവിഡ് വ്യാപനം) ചൈനയില് വെച്ച് തടയാമായിരുന്നു. പക്ഷെ അത് നടന്നില്ല. മുഴുവന് ലോകവും ഇപ്പോള് ഇക്കാരണത്താല് സഹിക്കുകയാണ്. അതൊരു പിഴവാണെങ്കില് അത് പിഴവ് തന്നെയാണ്. അവര് അറിഞ്ഞു കൊണ്ട് ഉത്തരവാദികളാണെങ്കില് തീര്ച്ചയായും പ്രത്യാഘാതം ഉണ്ടാവും,’ ട്രംപ് പറഞ്ഞു.
കൊവിഡിന്റെ പശ്ചാത്തലത്തില് നേരത്തെയും ട്രംപ് ചൈനയെ കടന്നാക്രമിച്ചിരുന്നു. കൊറോണ വൈറസിനെ ചൈനീസ് വൈറസ് എന്നായിരുന്നു ട്രംപ് ആദ്യം വിശേഷിപ്പിച്ചത്. ഒപ്പം ലോകാരോഗ്യ സംഘടന ചൈനീസ് കേന്ദ്രീകൃതമാണെന്നാരോപിച്ച് അമേരിക്കയുടെ ഫണ്ടിംഗ് നിര്ത്തിവെക്കാന് ട്രംപ് നേരത്തെ തീരുമാനിച്ചിരുന്നു.
അമേരിക്കന് പ്രസിഡന്റ് തെരഞ്ഞെടുപ്പ് പ്രചാരണത്തില് റിപ്ലബ്ലിക്കന് പാര്ട്ടി നിലവില് ചൈനീസ് വിരുദ്ധ പരാമര്ശങ്ങള് ആയുധമാക്കുന്നുണ്ട് എന്ന് നേരത്തെ റിപ്പോര്ട്ടുകള് വന്നിരുന്നു.
എന്നാല് ചൈനക്കെതിരെയുള്ള ട്രംപിന്റെ വിമര്ശങ്ങളില് വൈറ്റ് ഹൗസില് ആശങ്കയുമുണ്ട്. കൊവിഡ് സുരക്ഷാ സാമഗ്രികള്ക്കായി നിലവില് ചൈനയെ അമേരിക്ക ആശ്രയിക്കുന്നുണ്ട്. ട്രംപിന്റെ പരാമര്ശങ്ങള് ഈ കയറ്റുമതിക്ക് വിഘാതമാവുമോ എന്നാണ് ഇവരുടെ ആശങ്ക.കൊവിഡ് ഏറ്റവും കൂടുതല് രൂക്ഷമായിരിക്കുന്നത് നിലവില് അമേരിക്കയിലാണ്. 7,20000 പേര്ക്കാണ് രാജ്യത്ത് കൊവിഡ് പിടിപെട്ടത്. 37000 പേര് കൊവിഡ് ബാധിച്ച് മരിച്ചു.
കോരിച്ചൊരിയുന്ന മഴയിൽ കുടയും ചൂടി ജനക്കൂട്ടത്തിനിടയനിടയിൽ നിന്നുകൊണ്ട് ഉത്ക്കണ്ഠയോടെ എന്തോ നോക്കിക്കാണുന്ന ദിലീപിൻ്റെ ലുക്കോടെ നീക്കം എന്ന ടൈറ്റിൽ പ്രകാശനം…
ഗാർഹിക ഊർജ്ജ ഉപയോഗം നിയന്ത്രിക്കാനും കുറയ്ക്കാനും ഉപഭോക്താക്കൾക്ക് സഹായിക്കുന്നതിനായി ഇലക്ട്രിസിറ്റി അസോസിയേഷൻ ഓഫ് അയർലൻഡ് (ഇഎഐ) ഗൈഡ് പ്രസിദ്ധീകരിച്ചു. ചെലവ്…
വാഷിംഗ്ടൺ: ചർച്ചകൾ അവസാനിക്കുന്നത് വരെ ഇറാനുമായുള്ള വെടിനിർത്തൽ നീട്ടിയതായി അമേരിക്കൻ പ്രസിഡന്റ് ഡൊണാൾഡ് ട്രംപ് അറിയിച്ചു. പാകിസ്ഥാന്റെ അഭ്യർത്ഥന മാനിച്ചാണ്…
വാഷിംഗ്ടൺ: ഇന്ത്യൻ മഹാസമുദ്രത്തിൽ വെച്ച് ഇറാനിൽ നിന്നുള്ള എണ്ണ കടത്തുകയായിരുന്ന കൂറ്റൻ കപ്പൽ അമേരിക്കൻ പ്രതിരോധ വകുപ്പ് പിടിച്ചെടുത്തു. പ്രത്യേക…
കണക്റ്റിക്കട്ട്: കണക്റ്റിക്കട്ടിൽ രണ്ട് വയസ്സുകാരനായ മകൻ ലിയാം റിവേര ക്രൂരമായ പീഡനത്തിനിരയാക്കിയതിനെ തുടർന്ന് കൊല്ലപ്പെട്ട സംഭവത്തിൽ മാതാപിതാക്കൾക്ക് കഠിനതടവ്. കുട്ടിയുടെ…
ഡാലസ്: ല്യൂക്കീമിയ ബാധിച്ച് ചികിത്സയിൽ കഴിയുന്ന അമലിന്റെ ആരോഗ്യനിലയിൽ ആശാവഹമായ പുരോഗതിയുണ്ടെന്ന് മെഡിക്കൽ ബുള്ളറ്റിൻ. കഠിനമായ ഘട്ടങ്ങൾ പിന്നിട്ട അമലിനെ…