ന്യൂയോര്ക്ക്: അമേരിക്കന് ബാസ്കറ്റ് ബോളിലെ സൂപ്പര്താരമായ ബ്രിട്നി ഗ്രൈനറെ ജയിലിലടച്ച് റഷ്യ. മയക്കുമരുന്ന് കൈവശംവെച്ചു എന്നാരോപിച്ചാണ് കഴിഞ്ഞ ഫെബ്രുവരിയില് മോസ്കോ വിമാനത്താവളത്തില് ഗ്രൈനറെ അറസ്റ്റ്ചെയ്തത്. മേയ് 19 വരെ അവരുടെ തടങ്കല് റഷ്യന് കോടതി നീട്ടിയിട്ടുണ്ട്. കുറ്റം തെളിഞ്ഞാല് 10 വര്ഷംവരെ തടവ് ലഭിക്കാവുന്ന കുറ്റമാണ് ചുമത്തിയിരിക്കുന്നത്. എന്നാല്, ഗ്രൈനറെ തിരികെ നാട്ടിലെത്തിക്കുന്ന കാര്യത്തില് അമേരിക്കന് സര്ക്കാര് നിസ്സഹായത കാണിക്കുകയാണ്. യുദ്ധപശ്ചാത്തലത്തില് അമേരിക്കന് പൗരന്മാരെ റഷ്യ നോട്ടമിടുമെന്ന് സര്ക്കാര് മുന്നറിയിപ്പ് നല്കിയിട്ടുണ്ട്.
അമേരിക്കന് വനിതാ എന്.ബി.എയില് ഫീനിക്സ് മെര്ക്കുറിയുടെ താരമാണ് 31-കാരിയായ ഗ്രൈനര്. അടുത്തമാസം സീസണ് തുടങ്ങാനിരിക്കെ ഗ്രൈനറുടെ അഭാവം ലീഗിനുമേല് കരിനിഴല് വീഴ്ത്തിയിട്ടുണ്ട്. എക്കാലത്തെയും മികച്ച വനിതാ ബാസ്കറ്റ്ബോള് താരമായാണ് ഗ്രൈനറെ വിലയിരുത്തുന്നത്. വനിതാ എന്.ബി.എ., യൂറോ ലീഗ്, കോളേജ് ചാമ്പ്യന്ഷിപ്പ് കിരീടങ്ങളും ഒളിമ്പിക് സ്വര്ണവും നേടിയിട്ടുള്ള അപൂര്വം താരങ്ങളില് ഒരാളാണ്. 2015 മുതല് ഓഫ് സീസണില് ഗ്രൈനര് റഷ്യയിലെ ഒരു ടീമിനായി കളിച്ചുവരുന്നു. പല താരങ്ങളും ഇതുപോലെ ഓഫ് സീസണില് വിദേശലീഗുകളില് കളിക്കാറുണ്ട്. അമേരിക്കയിലെക്കാള് കൂടുതല് പ്രതിഫലം താരങ്ങള്ക്ക് റഷ്യയില് കിട്ടുന്നുണ്ട്.
യുക്രൈനില് അധിനിവേശം നടത്തുന്ന റഷ്യക്കെതിരേ ശക്തമായ നിലപാടെടുക്കുകയും ഉപരോധമേര്പ്പെടുത്തുകയും ചെയ്യുന്ന അമേരിക്കയ്ക്ക് മുന്നില് വലിയൊരു വെല്ലുവിളിയായി മാറുകയാണ് ഗ്രൈനറുടെ തടങ്കല്.
നിത്യജീവിതത്തിൽ പഞ്ചസാര പൂർണ്ണമായി ഒഴിവാക്കാനാവാത്ത ഭക്ഷണമാണ്. എന്നാൽ, അമിതമായ പഞ്ചസാരയുടെ അളവ് കുറയ്ക്കുന്നത് ശരീരഭാരം കുറയ്ക്കാനും ഉപാപചയ ആരോഗ്യം മെച്ചപ്പെടുത്താനും…
ഹ്രസ്വകാല വിസ നിരസിക്കലുകൾക്ക് അപ്പീൽ നൽകാനുള്ള അവകാശം സർക്കാർ നീക്കം ചെയ്തു. ഷോർട്ട് സ്റ്റേ ടൈപ്പ് സി വിസ ആളുകൾക്ക്…
ഡബ്ലിന് : ലൂക്കനില് മലയാളി യുവാവ് ഹൃദയസ്തംഭനത്തെ തുടര്ന്ന് മരിച്ചു. ലൂക്കന് ബാലിയോവന് അബിഡെയ്ല് റൈസിലെ രാജു കുര്യാക്കോസിന്റെ മകന്…
സെൻട്രൽ സ്റ്റാറ്റിസ്റ്റിക്സ് ഓഫീസ് പ്രസിദ്ധീകരിച്ച പണപ്പെരുപ്പ കണക്കെടുപ്പ് പ്രകാരം, ഏപ്രിൽ മുതൽ മെയ് വരെയുള്ള കാലയളവിൽ അയർലണ്ടിലെ ഊർജ്ജ വില…
ഡബ്ലിൻ കനോലി സ്റ്റേഷനും ബ്രേയ്ക്കും ഇടയിലുള്ള എഞ്ചിനീയറിംഗ് ജോലികൾ കാരണം ബാങ്ക് ഹോളിഡേ വാരാന്ത്യത്തിൽ തടസ്സങ്ങൾ ഉണ്ടാകുമെന്ന് റെയിൽ യാത്രക്കാർക്ക്…
സ്വിറ്റ്സർലൻഡ്: സ്വിറ്റ്സർലൻഡിലെ വിൻറർതൂർ റെയിൽവേ സ്റ്റേഷനിൽ വ്യാഴാഴ്ച രാവിലെ തിരക്കേറിയ സമയത്തുണ്ടായ കത്തിക്കുത്തിൽ മൂന്ന് പേർക്ക് പരിക്കേറ്റു. ആക്രമണത്തിന്…