നടന്‍ വിജയിന്റെ പേരില്‍ അച്ഛന്‍ രാഷ്ട്രീയ പാര്‍ട്ടി രൂപീകരിച്ചു : മകന്‍ ശക്തമായി എതിര്‍ത്തു

ചെന്നൈ: നടന്‍ വിജയുടെ പേരില്‍ വിജയുടെ അച്ഛനായ എസ് എസ് ചന്ദ്രശേഖര്‍ പുതിയ രാഷ്ട്രീയ പാര്‍ട്ടി പ്രഖ്യാപിച്ചു. പക്ഷേ പ്രഖ്യാപനത്തോടെ മകനായ വിജയ് ശക്തമായ എതിര്‍പ്പ് പ്രകടിപ്പിച്ചു. തമിഴ്‌നാട്ടിലെ സൂപ്പര്‍സ്റ്റാറായ വിജയ് തന്റെ പേരില്‍ ഒരു പാര്‍ട്ടി ഉണ്ടാക്കുന്നു എന്നുള്ള ഒരു അഭ്യൂഹം മുന്‍പേ തന്നെ നിലനില്‍ക്കേ പെട്ടെന്നായിരുന്നു എസ് എ ചന്ദ്രശേഖരന്‍ വിജയുടെ പേരിലുള്ള പുതിയ പാര്‍ട്ടിയുടെ പ്രഖ്യാപനം .

എന്നാല്‍ പ്രഖ്യാപനത്തോടും പാര്‍ട്ടിയോടും ശക്തമായ എതിര്‍പ്പാണ് വിജയ് പ്രകടിപ്പിച്ചത്. തന്റെ പേരോ ചിത്രങ്ങളോ സ്ഥാനമാനങ്ങളോ ദുരുപയോഗം ചെയ്താല്‍ ആരുതന്നെയായാലും ശക്തമായ നടപടി സ്വീകരിക്കുമെന്ന് വിജയ് പ്രഖ്യാപിച്ചു. അഖിലേന്ത്യ ദളപതി വിജയ് മക്കള്‍ ഇയക്കം എന്ന പേരില്‍ പാര്‍ട്ടി ഔദ്യോഗികമായി രജിസ്റ്റര്‍ചെയ്യാന്‍ തിരഞ്ഞെടുപ്പ് കമ്മീഷന് അപേക്ഷ സമര്‍പ്പിച്ച് അപ്പോഴാണ് ഈ വിവരം പുറത്തറിയുന്നത്.

ഒരു കുടുംബപാര്‍ട്ടി ആയിട്ടാണ് ഇത് രൂപംകൊണ്ടത്. നടന്റെ അച്ഛന്‍ പാര്‍ട്ടിയുടെ ജനറല്‍ സെക്രട്ടറിയും അമ്മ പാര്‍ട്ടിയുടെ ഖജാന്‍ജി യുമാണ്. ഇവരുമായിട്ട് വളരെ അടുത്ത ബന്ധമുള്ള കുടുംബസുഹൃത്തായ പത്മനാഭനാണ് പാര്‍ട്ടിയുടെ പ്രസിഡണ്ട് . എന്നാല്‍ പാര്‍ട്ടി ആരംഭിച്ചത് തന്റെ സ്വന്തം ഇഷ്ടപ്രകാരം ആണെന്ന് എസ് എ ചന്ദ്രശേഖര്‍ വെളിപ്പെടുത്തി. എന്നാല്‍ വിജയുമായി തനിക്ക് ഇതും ആയിട്ട് ഒരു ബന്ധമുണ്ടായിരുന്നില്ലെന്നും വിജയോട് ഇത്തരം കാര്യങ്ങള്‍ സൂചിപ്പിച്ചിട്ടില്ല ഇത് സംഭവിച്ചത് എന്നും ചന്ദ്രശേഖര്‍ വെളിപ്പെടുത്തി.

വിജയുടെ പേരിലുണ്ടായിരുന്ന ഈ പാര്‍ട്ടിയുടെ രൂപീകരണത്തിന് പിന്നില്‍ അതില്‍ അദ്ദേഹത്തിന്റെ തന്നെ ഫാന്‍സ് അസോസിയേഷന്‍ ആണ് മുന്‍കൈ എടുത്തിരിക്കുന്നത്. എന്നാല്‍ ഈ ഫാന്‍സ് അസോസിയേഷനും വിജയയുടെ അനുമതിയോടുകൂടി ആയിരുന്നില്ല ആരംഭിച്ചിരുന്നത് പിന്നീട് സംഘടന വളര്‍ന്നു വലുതാവുക യായിരുന്നു.