നടിയെ അക്രമിച്ച കേസ്: സാക്ഷിയെ സ്വാധീനിക്കാന്‍ യോഗം ചേര്‍ന്നു

കൊച്ചി: നടിയെ അക്രമിച്ച കേസില്‍ വിസ്താരങ്ങളും വിചാരണയും നടന്നുകൊണ്ടിരിക്കുന്ന സാഹചര്യത്തില്‍ സാക്ഷികളെ സ്വാധീനിക്കാനും മൊഴിമാറ്റാനുമുള്ള ശ്രമങ്ങള്‍ നടന്നതിന്റെ പരാമര്‍ശങ്ങള്‍ നിലനില്‍ക്കേ സാക്ഷികളെ സ്വാധീനിക്കാനുള്ള കാര്യങ്ങള്‍ തീരുമാനിക്കുന്നത് കൊച്ചിയില്‍ ചേര്‍ന്ന കൂട്ടയോഗത്തിലാണെന്ന് പോലീസ്. ഈ യോഗത്തില്‍ കക്ഷിയെ സ്വാധീനിക്കാന്‍ കത്തെഴുതി പോലീസിന്റെ സംശയത്തിന്റെ നിഴലിലായ ഗണേഷ്‌കുമാറിന്റെ പി.എ. പ്രദീപ് പങ്കെടുത്തിരുന്നോ എന്നാണ് പുതിയ അന്വേഷണം.

നടിയെ അക്രമിച്ച സംഭവത്തിന്റെ വിചാരണ ആരംഭിക്കുന്നത് കഴിഞ്ഞ ജനുവരിയിലാണ്. എന്നാല്‍ അതിന് തൊട്ടുമുന്‍പ് കൊച്ചിയിലെ നക്ഷത്രഹോട്ടലില്‍ വച്ച് ഇക്കാര്യത്തെക്കുറിച്ച് പ്രവര്‍ത്തിക്കാനും തീരുമാനിക്കാനും ഗൂഡാലോചനകള്‍ നടത്താനുമായി യോഗം ചേര്‍ന്നു എന്ന് പോലീസിന് വിവരം ലഭിച്ചു. ഈ കേസിന് തൊട്ടുമുന്‍പ് യോഗം ചേര്‍ന്നതാണ് സംശയത്തിന്റെ നിഴല്‍ വീഴാനുള്ള പ്രധാന കാരണം. എന്നാല്‍ കാസര്‍കോഡുനിന്നും പ്രദീപ് ആരൊയൊക്കെ ബന്ധപ്പെട്ടുവെന്നും മറ്റുമുള്ള പ്രധാന വിവരങ്ങള്‍ ഇതിനകം പോലീസിന് ലഭ്യമായിട്ടുണ്ട്.