കേരളത്തിൽ ഇന്ന് 8553 പേർക്ക്കോവിഡ്

തിരുവനന്തപുരം : കേരളത്തിൽ ഇന്ന് വീണ്ടും കോവിസ് രോഗികൾ 8000 കഴിഞ്ഞു. കേരളത്തിൽ ഇപ്പോഴുള്ള ശരാശരി കോവിഡ് ബാധിതരുടെ എണ്ണം ഏഴായിരത്തിനും എട്ടായിരത്തിനും ഇടയിൽ ആണ് . ഈ ശരാശരി കോവിഡ് രോഗികളുടെ എണ്ണം ഉയർന്നു പത്തായിരത്തിന് മുകളിലേക്ക് ആവാനുള്ള സാധ്യതയും വിദൂരമല്ലെന്ന് എന്ന് ആരോഗ്യ വകുപ്പ് മന്ത്രി ശൈലജ ടീച്ചർ അറിയിച്ചു. ഇന്ന് 23 പേർ കോവിഡ് ബാധിതരായി മരണപ്പെട്ടു. 7527 പേർക്ക് ഇന്ന് സമ്പർക്കത്തിലൂടെ രോഗം ബാധിച്ചു.

ഇന്ന് രോഗം ബാധിച്ചവരിൽ 716 പേരുടെ ഉറവിടം വ്യക്തമല്ല. ഇത് കൂടുതൽ ആശങ്ക ജനിപ്പിക്കുന്നുണ്ട്. ഉറവിടം വ്യക്തമല്ലാത്ത രോഗികളുടെ എണ്ണം കൂടുന്നത് സമൂഹ വ്യാപനത്തിനുള്ള വൻ സാധ്യതകളാണ് ചൂണ്ടിക്കാണിക്കുന്നത്. ജനങ്ങളോട് കൂടുതൽ ജാഗരൂകരാവാൻ ആരോഗ്യ വകുപ്പ് മന്ത്രി ശൈലജ ടീച്ചർ പറഞ്ഞു. മറ്റു ജില്ലകളിലെ കോവിഡ് ബാധിതരുടെ കണക്കുകൾ ഇപ്രകാരമാണ്. കോഴിക്കോട് 1164, തിരുവനന്തപുരം 1119, എറണാകുളം 952, കൊല്ലം 866, തൃശൂർ 793, മലപ്പുറം 792, കണ്ണൂർ 555, ആലപ്പുഴ 544, പാലക്കാട് 496, കോട്ടയം 474, പത്തനംതിട്ട 315, കാസർഗോഡ് 278, വയനാട് 109, ഇടുക്കി 96 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. ഇത്തവണയും 99 ആരോഗ്യപ്രവർത്തകർക്ക് രോഗം ബാധിച്ചു.

(Photo Credit: H Vibhu.Hindu )