മകളുടെ വെട്ടേറ്റ് അമ്മ മരിച്ചു; ചിരട്ടയും മണ്ണെണ്ണയും ഉപയോഗിച്ച് മൃതദേഹം ഭാഗികമായി കത്തിച്ചു

തിരുവനന്തപുരം: അമ്മയെ മകൾ വെട്ടിക്കൊന്നു. ബാലരാമപുരം നരുവാമൂട് അരിക്കടമുക്കിൽ ലീലയുടെ (62) വെട്ടേറ്റ് അന്നമ്മയാണ് (85) മരിച്ചത്. അന്നമ്മയുടെ തലയ്ക്കും കഴുത്തിനും വെട്ടേറ്റിരുന്നു. വെട്ടിയശേഷം ചിരട്ടയും മണ്ണെണ്ണയും ഉപയോഗിച്ച് കത്തിക്കാനും ശ്രമമുണ്ടായി. ശരീരം ഭാഗികമായി കത്തി.

ലീല മാനസികരോഗത്തിനു നേരത്തേ ചികിത്സ നേടിയിരുന്നതായി പൊലീസ് പറഞ്ഞു. വിവാഹിതയാണെങ്കിലും മക്കളും ഭർത്താവുമായി അകന്നു കഴിയുകയാണ് ലീല. ഇവരെ വീട്ടിൽ വരാൻ ലീല സമ്മതിച്ചിരുന്നില്ല. പെട്ടെന്നുണ്ടായ പ്രകോപനമാണ് കൊലപാതകത്തിൽ കലാശിച്ചതെന്നാണു പൊലീസ് പറയുന്നത്.