സ്വത്ത് തർക്കത്തെ തുടർന്ന് പിതാവിനെ വെടിവച്ച് പരുക്കേൽപ്പിച്ച കേസിൽ മകൻ അറസ്റ്റിൽ

തിരുവനന്തപുരം: സ്വത്ത് തർക്കത്തെ തുടർന്ന് പിതാവിനെ വെടിവച്ച് പരുക്കേൽപ്പിച്ച കേസിൽ മകൻ അറസ്റ്റിൽ. നെല്ലനാട് കോട്ടുകുന്നം ദിലീപ് ഭവനിൽ പരമേശ്വരൻ പിള്ള (65)യെ വെടിവച്ച കേസിൽ മകൻ ദിലീപ് കുമാർ (40)ആണ് അറസ്റ്റിലായത്. മെയ് 28 നായിരുന്നു സംഭവം.

പിതാവിന്റെ പേരിലുള്ള ഭൂമി തന്റെ പേരിലേക്ക് മാറ്റണമെന്ന് ദിലീപ് കുമാർ ആവശ്യപ്പെട്ടിരുന്നു. എന്നാൽ പിതാവ് ഇത് നിരസിച്ചതിനെ തുടർന്ന് എയർ ഗൺ ഉപയോഗിച്ച് മകൻ വെടിയുതിർക്കുകയായിരുന്നു. പുരയിടത്തിൽ കൃഷിപ്പണിയിലേർപ്പെർട്ടിരിക്കുന്നതിനിടെയാണ്  പരമേശ്വരൻ പിള്ളയ്ക്കെതിരെ മകൻ വെടിയുതിർത്തത്.

പെല്ലറ്റ് തുളച്ച് കയറി പരമേശ്വരൻ പിള്ളയുടെ തോളെല്ലിന് സാരമായി പരുക്കേറ്റിരുന്നു. സംഭവത്തിനു പിന്നാലെ ഒളിവിൽ പോയ ദിലീപിനെ സിഐ വിജയരാഘവൻ, എസ്ഐമാരായ, ശ്രീജിത്, രാജേന്ദ്രൻ, സി പിഒ മഹേഷ് എന്നിവരടങ്ങിടയ സംഘമാണ് അറസ്റ്റ് ചെയ്തത്.