പാരീസ്: കൊവിഡ്-19 ലോകവ്യാപകമായി പടര്ന്ന സാഹചര്യത്തില് അന്താരാഷ്ട്ര ചലച്ചിത്ര മേളയായ കാന് ഫിലിം ഫെസ്റ്റിവല് മാറ്റി വെച്ചു. ഫെസ്റ്റിവല് സംഘാടകരാണ് ഇക്കാര്യം അറിയിച്ചത്. മെയ് മാസം 12 മുതല് 23 വരെയാണ് ഫെസ്റ്റിവല് നടക്കാനിരുന്നത്. ഇനി ജൂണ് മാസം അവസാനത്തോടെയായിരിക്കും കാന് ഫിലിം ഫെസ്റ്റവല് നടത്താനുള്ള തിയ്യതി പുനര്നിശ്ചയിക്കുക.
ഫ്രാന്സിലുള്പ്പെടെ കൊവിഡ് വ്യാപിച്ച ഘട്ടത്തില് കാന് ഫിലിം ഫെസ്റ്റിവല് നടക്കുമോ എന്ന ആശങ്ക നേരത്തെ ഉയര്ന്നിരുന്നു.
‘ആഗോള ആരോഗ്യ പ്രതിസന്ധി നേരിടുന്ന ഘട്ടത്തില് ഞങ്ങള് കൊവിഡ്-19 ഇരകള്ക്കൊപ്പം നില്ക്കുന്നു. ഈ രോഗത്തിനെതിരെ പ്രതിരോധിക്കുന്നവര്ക്ക് ഞങ്ങള് ഐക്യദാര്ഢ്യം പ്രഖ്യാപിക്കുന്നു,’ ഫ്രാന്സ് കാന്ഫിലിം ഫെസ്റ്റിവല് സംഘാടകര് ഇറക്കിയ പ്രസ്താവനയില് പറയുന്നു.
വര്ഷം തോറും ഫ്രാന്സില് വെച്ച് നടക്കുന്ന കാന് ഫിലിം ഫെസ്റ്റിവല് ചലച്ചിത്രാരാധകരുടെയൊപ്പം തന്നെ ഫാഷന് മേഖലയുടെയും കേന്ദ്രമാണ്. ഐശ്യര്യ റായി, സോനം കപൂര്, ദീപിക പദുകോണ് തുടങ്ങിയ ഇന്ത്യന് താരങ്ങള് കാന്ഫിലിം ഫെസ്റ്റിവലില് പങ്കെടുക്കാറുണ്ട്.
ഫ്രാന്സിനു പുറമെ ഇറ്റലി,സ്പെയിന്, ജര്മ്മനി, തുടങ്ങിയ യൂറോപ്യന് രാജ്യങ്ങളിലും കൊവിഡ്-19 പടര്ന്നു പിടിക്കുകയാണ്. ഇറ്റലിയിലാണ് ഒറ്റദിവസം കൊണ്ട് ഏറ്റവും കൂടുതല് ആളുകള് മരിച്ചത്. വ്യാഴാഴ്ച മാത്രം 427 പേരാണ് ഇറ്റലിയില് മരിച്ചത്. ചൈനയില് രോഗം പടര്ന്നപ്പോള് ഉണ്ടായ ഒറ്റദിവസത്തെ മരണ സംഖ്യയെക്കാള് ഉയര്ന്ന എണ്ണമാണിത്.
2021 മെയ് മാസത്തിൽ നടന്ന HSE സൈബർ ആക്രമണത്തിന്റെ ഇരകൾക്ക് ഹെൽത്ത് സർവീസ് എക്സിക്യൂട്ടീവ് നഷ്ടപരിഹാരം നൽകാൻ തുടങ്ങി.എത്ര തുക…
വാഷിംഗ്ടൺ ഡി.സി: ഇന്ത്യയ്ക്കും കാനഡയ്ക്കുമെതിരെ ഭീഷണിയുമായി ഡോണൾഡ് ട്രംപ്. ഇന്ത്യയിൽ നിന്നുള്ള അരിയടക്കം കാർഷിക ഉൽപ്പന്നങ്ങളുടെ ഇറക്കുമതിക്ക് പുതിയ താരിഫുകൾ…
സ്റ്റോം ബ്രാം രാജ്യത്ത് ആഞ്ഞടിക്കുന്നതിനാൽ റിപ്പബ്ലിക്കിലെ 26 കൗണ്ടികളിൽ ഓറഞ്ച് കാറ്റ് മുന്നറിയിപ്പുകൾ നൽകിയിട്ടുണ്ട്. നിരവധി കൗണ്ടികളിൽ കനത്ത മഴ…
തിരുവനന്തപുരം: തദ്ദേശ തെരഞ്ഞെടുപ്പ് ആവേശത്തിൽ കേരളം. സംസ്ഥാനത്തെ ഏഴു ജില്ലകളിലാണ് ഇന്ന് വോട്ടെടുപ്പ് നടക്കുന്നത്. തിരുവനന്തപുരം മുതൽ എറണാകുളം വരെയുള്ള…
ബ്രാം കൊടുങ്കാറ്റ് അയർലണ്ടിൽ കര തൊടുമ്പോൾ ശക്തമായ കാറ്റ് വീശാൻ സാധ്യതയുള്ളതിനാൽ 11 കൗണ്ടികൾക്ക് ഓറഞ്ച് വിൻഡ് അലേർട്ട് നൽകിയിട്ടുണ്ട്.…
ഡബ്ലിൻ: ഇന്ത്യൻ ഓവർസീസ് കോൺഗ്രസ് (IOC) അയർലണ്ട് – കേരള ചാപ്റ്റർ സാണ്ടിഫോർഡ് യൂണിറ്റിന്റെ പുതിയ ഭാരവാഹികളെ തെരഞ്ഞെടുത്തതായി ഐഒസി…