പുഷ്പയുടെ സെക്കന്‍ഡ് ലുക്ക് പോസ്റ്റര്‍ പുറത്ത്

ഹൈദരാബാദ്: മലയാളികള്‍ അല്ലു അര്‍ജുന്‍ ഒരു അന്യഭാഷ നടനല്ല. സ്വന്തം നാട്ടിലെ ഒരു താരത്തിനെ പോലെ തന്നെയാണ് മലയാളികള്‍ അല്ലു അര്‍ജുനെ കാണുന്നത്.

അതുകൊണ്ട് തന്നെയാണ് കൊറോണക്കാലത്ത് കേരളത്തിലെ ദുരിതാശ്വാസ നിധിയിലേക്ക് 25 ലക്ഷം രൂപ സംഭാവന നല്‍കിയതും. ഇപ്പോഴിതാ ആരാധകര്‍ക്ക് പിറന്നാള്‍ സമ്മാനമായി തന്റെ പുതിയ ചിത്രത്തിന്റെ പുതിയ പോസ്റ്റര്‍ പുറത്തുവിട്ടിരിക്കുകയാണ് താരം.

തന്റെ പുതിയ ചിത്രമായ പുഷ്പയുടെ സെക്കന്‍ഡ് ലുക്ക് പോസ്റ്ററാണ് ഇപ്പോള്‍ പുറത്തുവിട്ടത്. ആര്യ, ആര്യ 2 എന്നീ സൂപ്പര്‍ഹിറ്റ് ചിത്രങ്ങള്‍ക്ക് ശേഷം സുകുമാര്‍ അല്ലു അര്‍ജുന്‍ കൂട്ടുകെട്ടില്‍ ഒരുങ്ങുന്ന പുതിയ ചിത്രം എന്ന പ്രത്യേകതയും പുഷ്പയ്ക്ക് ഉണ്ട്.

ശ്രീമന്തടു, ജനതാ ഗാരേജ്, രംഗസ്ഥലം, അങ്ങ് വൈകുണ്ഠപുരത്ത് തുടങ്ങിയ നിരവധി സൂപ്പര്‍ഹിറ്റ് ചിത്രങ്ങള്‍ പ്രേക്ഷകര്‍ക്ക് സമ്മാനിച്ച മൈത്രി മൂവി മേക്കേഴ്സ് നിര്‍മ്മിച്ച ദേവി ശ്രീ പ്രസാദ് സംഗീതമൊരുക്കിയ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ നേരത്തെ പുറത്തുവിട്ടിരുന്നു. രശ്മിക മന്ദാനയാണ് ചിത്രത്തിലെ നായിക.