“തീർപ്പ്” തയ്യാറായി

ഫ്രൈഡേ ഫിലിം ഹൗസിൻ്റെ ബാനറിൽ വിജയ് ബാബു നിർമ്മിച്ച് രതീഷ് അമ്പാട്ട് സംവിധാനം ചെയ്യുന്ന ഏറ്റവും പുതിയ ചിത്രമായ തീർപ്പ് നിർമ്മാണ പ്രവർത്തനങ്ങൾ പൂർത്തിയായിരിക്കുന്നു.
.ഈ ചിത്രത്തിൻ്റെ ഫസ്റ്റ് ലുക്ക് പോസ്റ്റർ ഇക്കഴിഞ്ഞ ദിവസം ഫ്രൈഡേ ഫിലിംസ് പുറത്തിറക്കിയത് സോഷ്യൽ മീഡിയായിൽ വലിയ തരംഗം സൃഷ്ടിച്ചിരിക്കുകയാണ്.
നിരവധി പ്രത്യേകതകളോടെ ഒരുങ്ങുന്ന മൾട്ടി സ്റ്റാർ ബിഗ് ബഡ്ജറ്റ് ചിത്രമാണിത്.

രതീഷ് അമ്പാട്ട് – മുരളി ഗോപി
കൂട്ടുകെട്ട്
വലിയ ക്യാൻവാസിൽ ഒരുക്കിയ കമ്മാരസംഭവത്തിനു ശേഷം രതീഷ് അമ്പാട്ടും – മുരളി ഗോപിയും ഒത്തുചേരുന്ന ചിത്രം കൂടിയാണിത്.
വൻ വിജയം നേടിയ ലൂസിഫറിനു ശേഷം മുരളി ഗോപിയുടെ തിരക്കഥയിൽ ഒരുങ്ങുന്ന ചിത്രമെന്ന നിലയിലും ഈ ചിത്രത്തിന് പ്രത്യേകതയുണ്ട്.

സൈക്കോളജി ത്രില്ലർ
സൈക്കോളജി ത്രില്ലർ ചിത്രമെന്ന് ഈ ചിത്രമെന്ന് ഈ ചിത്രത്തെ വിശേഷിപ്പിക്കാം.
പ്രേക്ഷകനെ മുൾമുനയിൽ നിർത്തിയാണ് ഈ ചിത്രത്തെ രതീഷ് അമ്പാട്ടും മുരളി ഗോപിയും ചേർന്ന് അവതരിപ്പിക്കുന്നത്.
ചരിത്രവും കാലിക പ്രാധാന്യമുള്ള സംഭവങ്ങളുമൊക്കെ ഈ ചിത്രത്തിന് അകമ്പടിയായി ഉണ്ട്.
ഒരു ബോക്സാഫീസ് വിജയത്തിനുള്ള എല്ലാ ഫോർമുലകളും കോർത്തിണക്കിയ ഒരു ക്ലീൻ എൻ്റെർടൈനർ.

നാലു കഥാപാത്രങ്ങളെ പ്രധാനമായും കേന്ദ്രീകരിച്ചാണ് കഥാപുരോഗതി.
മലയാളത്തിലെ ജനപ്രിയ താരങ്ങളായ പ്രഥ്വിരാജ്, ഇന്ദ്രജിത്ത്, സൈജു ക്കുറുപ്പ് ,വിജയ് ബാബു എന്നിവരാണ് ഈ കേന്ദ്രകഥാപാത്രങ്ങളെ അവതരിപ്പിക്കുന്നത്-
സിദ്ദിഖ്, ഇഷാ തൽവർ, ലുക്മാൻ, ഷൈജു ശ്രീധർ, അവറാൻ, ശ്രീകാന്ത് മുരളി, അന്നാ റെജി കോശി എന്നിവരും പ്രധാന വേഷങ്ങളിലെത്തുന്നു.

മുരളി ഗോപിയുടെ സംഗീതം.
മുരളി ഗോപിയുടേതാണ് ഈ ചിത്രത്തിൻ്റെ സംഗീതം..ഗാനരചന നിർവ്വഹിച്ചിരിക്കുന്നതും മുരളി ഗോപി തന്നെ.
ഗോപി സുന്ദറിൻ്റേതാണ് പശ്ചാത്തല സംഗീതം.
കെ.എസ്.സുനിലാണ് ഛായാഗ്രാഹകൻ –
എഡിറ്റിംഗ് – ദീപു ജോസഫ്.
മേക്കപ്പ് – ശ്രീജിത്ത് ഗുരുവായൂർ
കോസ്റ്റ്യും – ഡിസൈൻ.- സമീരാ സനീഷ്.
ചീഫ് അസോസ്സിയേറ്റ് ഡയറക്ടർ – സുനിൽ കാര്യാട്ടുകര .
എക്സിക്കുട്ടീവ് പ്രൊഡ്യൂസർ – വിനയ് ബാബു.
പ്രൊഡക്ഷൻ കൺട്രോളർ-ഷിബു – ജി.സുശീലൻ.
അടുത്തു തന്നെ ഈ ചിത്രം പ്രദർശനത്തിനെത്തുന്നതാണ്.

വാഴൂർ ജോസ്.

.