നാടകാചാര്യനായ എസ്.എൽ.പുരം സദാനന്ദൻ്റെ ഇളം തലമുറക്കാരിയും അഭിനയരംഗത്തേക്കെത്തുന്നു

‘എസ്.എൽ.പുരത്തിൻ്റെ മകൻ, തിരക്കഥാകത്തും നടനും, അഭിനേതാവുമൊക്കെയായ ജയ സോമയുടെമകൾ ജയഭദ്രയാണ് ഇപ്പോൾ അഭിനയരംഗത്തെത്തിയിരിക്കുന്നത്.ഇയഭദ്രയുടെ ഈ കടന്നുവരവ് മറ്റൊരു നാടകാചാര്യനായ ഒ.മാധവൻ്റെ ചെറുമകളായ നഥാ ലിയാ ശ്യാം സംവിധാനം ചെയ്യുന്ന ചിത്രത്തിലാണ് ജയഭദ്ര അഭിനയിക്കുന്നത്. നടൻ മുകേഷിൻ്റെയും നിർമ്മാതാവും അഭിനേത്രിയുമായ സന്ധ്യാരാജേന്ദ്രൻ്റേയും സഹോദരി,-  ലണ്ടനിൽ താമസിക്കുന്ന – ജയശീയുടെ മകളാണ് നഥാ ലിയാ ശ്യാം.

രഞ്ജിത്ത് സംവിധാനം ചെയ്ത ഡ്രാമ എന്ന ചിത്രത്തിൽ നഥാ ലിയ സഹസംവിധായികയായിപ്രവർത്തിച്ചിരുന്നു.ഫുട് പ്രിൺസ് ഓൺവാട്ടർ എന്ന ബ്രിട്ടീഷ് സിനിമയിലാണ് ജയഭദ്ര അഭിനയത്തിന് അങ്കം കുറിച്ചത് -സന്ധ്യാരാജേന്ദ്രനാണ് ജയഭദ്രയെ നഥാ ലിയാക്ക പരിചയപ്പെടുത്തിയതെന്ന് ജയ സോമ പറഞ്ഞു. ‘പ്ലസ് വണ്ണിനു പഠിക്കുന്ന ജയഭദ്ര പറയുന്നതു ശ്രദ്ധിക്കാം.” അഭിനയം എനിക്ക് ചെറുപ്പം മുതൽ തന്നെ താൽപ്പര്യമുണ്ടായിരുന്നു.കലാകുടുംബത്തിൽ ഇതൊക്കെ കണ്ടും കേട്ടുമൊക്കെയാണ് വളർന്നത്.

ആരുടേയും സ്വാധീനമോ പിൻബലമോ ഇല്ലാതെ വേണം ഈ രംഗത്തേക്കു കടന്നു വരുന്നതെന്ന് ആഗ്രഹിച്ചിരുന്നു. സന്ധ്യചേച്ചിയാണ് എന്നെ അഭിനയിക്കുവാനായി തെരഞ്ഞെടുക്കുവാൻ സഹായിച്ചത്. നഥാ ലിയാ മാഡത്തിൻ്റെ അമ്മ, ജയശീയുടെ സഹോദരിയാണ് സന്ധ്യച്ചേച്ചി.സന്ധ്യാരാജേന്ദ്രൻ. ഫാഷൻ ഡിസൈനിംഗ്‌ കഴിഞ്ഞ് വീഡിയോ എഡിറ്റിംഗ് കൂടി പഠിച്ചിട്ടു വേണം സിനിമയിൽ പ്രവർത്തിച്ചു തുടങ്ങുവാനെന്നാണ് കരുതിയത്. ഇടയ്ക്കിടക്ക് ടിക് – ടോക് വീഡിയോകൾ ചെയ്യാറുണ്ട്.

ഇതു കണ്ടിട്ടാണ് സന്ധ്യച്ചേച്ചി എന്നെ ഒഡിഷ്യനു വിളിപ്പിച്ചത് ‘ആദ്യം ഓൺലൈൻ ഇൻ്റെർവ്യു ആയിരുന്നു പിന്നീട് നേരിട്ടു നടന്നു. എല്ലാം വളരെ വേഗത്തിലുള്ള നടപടിക്രമങ്ങളായിരുന്നു. ലണ്ടനിലായിരുന്നു ഈ സിനിമയുടെ പ്രധാന ലൊക്കേഷൻ. നാട്ടിലെ പോർഷനിലാണ് ജയദ്ര അഭിനയിക്കുന്നത്. നിമിഷാ സജയൻ്റെ അനുജത്തിയുടെ വേഷമാണ്. അഭിനയസാദ്ധ്യതകൾ നിറഞ്ഞ കഥാപാത്രമാണിത്. ബോളിവുഡ് നടൻ ആദിൽ ഹുസൈൻ, നിമിഷാസ ജയൻ, ലെന എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.

ഇവർക്കു പുറമേ ഏതാനം വിദേശികളും അഭിനയിക്കുന്നു ഈ സിനിമയിൽ.അഴകപ്പനാണ് ഛായാഗ്രാഹകൻറസൂൽ പൂക്കുട്ടിയുടേതാണ് ശബ്ദമിശ്രിതം .തുടക്കം തന്നെ അന്താരാഷ്ട്ര നിലവാരത്തിലുള്ള ഒരു ചിത്രത്തിേലയതിൻ്റെ സന്തോഷം ജയഭദ്ര പങ്കിട്ടു.ഒരു കലാകുടുംബത്തിന് ലഭിച്ച അംഗീകാരമായിത്തന്നെ ഇതിനെ കണക്കാക്കാം.

വാഴൂർ ജോസ്