‘The Sequel’: 20 വർഷങ്ങൾക്ക് ശേഷം സൂര്യ-ജോ വിവാഹം സ്കോട്ട്ലാൻഡിൽ; സാക്ഷിയായി മക്കൾ

20 വർഷത്തെ ദാമ്പത്യജീവിതത്തിന് ഒരു റൊമാന്റിക് റീസ്റ്റാർട്ട് നൽകിയിരിക്കുകയാണ് തമിഴ് സിനിമയിലെ പ്രിയതാരജോഡികളായ സൂര്യയും ജ്യോതികയും. വിവാഹത്തിന്റെ 20-ാം വാർഷികത്തോടനുബന്ധിച്ച് ഇരുവരും സ്കോട്ട്ലൻഡിലെ മനോഹരമായ വേദിയിൽ വീണ്ടും വിവാഹവാഗ്ദാനങ്ങൾ പുതുക്കി. ചടങ്ങിന്റെ ചിത്രങ്ങളും വീഡിയോകളും ഇപ്പോൾ സോഷ്യൽ മീഡിയയിൽ വൈറലാണ്. ‘The Sequel’ എന്നാണ് വിവാഹ ചടങ്ങിന് ഇരുവരും നൽകിയ പേര്. രണ്ട് പതിറ്റാണ്ട് നീണ്ട പ്രണയത്തിന്റെയും സൗഹൃദത്തിന്റെയും കുടുംബജീവിതത്തിന്റെയും മറ്റൊരു അധ്യായമായാണ് ചടങ്ങിനെ ജ്യോതിക വിശേഷിപ്പിച്ചത്.

ചടങ്ങിലെ ഏറ്റവും മനോഹരമായ നിമിഷങ്ങളിലൊന്ന് ജ്യോതിക വേദിയിലേക്ക് എത്തുമ്പോൾ സൂര്യ വൈകാരികമായി നോക്കിനിൽക്കുന്ന ദൃശ്യങ്ങളാണ്. മകൻ ദേവ് അമ്മയ്ക്കൊപ്പം aisle-ലൂടെ നടന്നെത്തിയതും ശ്രദ്ധ നേടി. മകൾ ദിയയുടെ കൈകോർത്താണ് സൂര്യ എത്തിയത്. ഫാഷന്റെ കാര്യത്തിലും താരദമ്പതികൾ ശ്രദ്ധ പിടിച്ചുപറ്റി. ജ്യോതിക മനോഹരമായ വെള്ള വെഡ്ഡിങ് ഗൗണിലാണ് എത്തിയത്. സൂര്യയും വെള്ള ബ്ലേസർ ടക്സീഡോയും കറുത്ത ട്രൗസറും ധരിച്ച് ജ്യോതികയ്ക്ക് ചേരുന്ന ലുക്കാണ് തിരഞ്ഞെടുത്തത്. ഇരുവരുടെയും coordinated all-white appearance ആരാധകർ ഏറ്റെടുത്തു.

വിവാഹ വേദി: 700 വർഷത്തിലേറെ ചരിത്രമുള്ള ബ്ലെയർക്വാൻ കാസിൽ

വാർഷികാഘോഷത്തിന് വേദിയായ ബ്ലെയർക്വാൻ കാസിലും വാർത്തയിലെ പ്രധാന ആകർഷണമാണ്. സ്കോട്ട്ലൻഡിലെ അയർഷയർ ഗ്രാമപ്രദേശത്തുള്ള ഏകദേശം 200 ഏക്കർ എസ്റ്റേറ്റിലാണ് കോട്ട സ്ഥിതി ചെയ്യുന്നത്. ഇന്നത്തെ കോട്ട 19-ാം നൂറ്റാണ്ടിൽ നിർമ്മിച്ചതാണെങ്കിലും ഇവിടെ ഉണ്ടായിരുന്ന യഥാർത്ഥ ടവർ ഹൗസിന്റെ ചരിത്രം 1346 വരെ നീളുന്നതാണ്. അതിനാൽ ഈ എസ്റ്റേറ്റിന് ഏഴ് നൂറ്റാണ്ടിലേറെ ചരിത്രപാരമ്പര്യമുണ്ട്.

ഗോതിക് ശൈലിയിലുള്ള വാസ്തുവിദ്യയും വിശാലമായ പൂന്തോട്ടങ്ങളും ചരിത്രപരമായ അകത്തളങ്ങളുമാണ് ബ്ലെയർക്വാൻ കാസിലിന്റെ പ്രത്യേകതകൾ. 2006-ലെ ഓസ്കർ പുരസ്കാര ജേതാവായ ‘The Queen’ എന്ന സിനിമയിൽ ബാൽമോറൽ കാസിലിന് പകരം ഈ എസ്റ്റേറ്റിന്റെ ഭാഗങ്ങൾ ചിത്രീകരണത്തിനായി ഉപയോഗിച്ചിരുന്നു.

2006 സെപ്റ്റംബർ 11-നാണ് സൂര്യയും ജ്യോതികയും ചെന്നൈയിൽ വിവാഹിതരായത്. രണ്ട് പതിറ്റാണ്ടുകൾ പിന്നിടുമ്പോൾ കുടുംബത്തോടൊപ്പം വീണ്ടും വിവാഹവാഗ്ദാനങ്ങൾ പുതുക്കിയതിന്റെ ദൃശ്യങ്ങളാണ് ഇപ്പോൾ ആരാധകർക്കിടയിൽ വൈറൽ ചർച്ചയാകുന്നത്.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==