ജമ്മുകശ്മീരിൽ ഭീകരരും സുരക്ഷാ സേനയും തമ്മിൽ ശക്തമായ ഏറ്റുമുട്ടൽ

ശ്രീനഗർ: ജമ്മുകശ്മീരിൽ ഭീകരരും സുരക്ഷാ സേനയും തമ്മിൽ ശക്തമായ ഏറ്റുമുട്ടൽ നടക്കുകയാണ്. ഇന്ന് രാവിലെ അനന്തനാഗിലാണ് ഏറ്റുമുട്ടൽ നടക്കുന്നത്. ശ്രീഗുഫാര മേഖലയിൽ ഭീകരർ ഒളിച്ചിരിപ്പുണ്ട് എന്ന വിവരത്തെ തുടർന്ന് സൈന്യം നടത്തിയ തിരച്ചിലിനിടയിലാണ് ഏറ്റുമുട്ടൽ ആരംഭിച്ചത്.

ഇന്ന് രാവിലെ 6:40 നാണ് ഏറ്റുമുട്ടൽ ആരംഭിച്ചത്.  ജമ്മു കശ്മീരിൽ ഏതാണ്ട് 260 ഓളം ഭീകരർ എത്തിയിട്ടുണ്ടെന്ന രഹസ്യ വിവരത്തെ തുടർന്ന് അവരെ കണ്ടെത്താനുള്ള കനത്ത ശ്രമത്തിലാണ് സൈന്യം നടത്തുന്നത്. കശ്മീരിൽ തമ്പടിച്ചിരിക്കുന്നവരുടെ വിവരങ്ങൾ സൈന്യം ശേഖരിച്ചതായിട്ടാണ് സൈനിക വൃത്തങ്ങൾ അറിയിച്ചിരിക്കുന്നത്. 

ഏറ്റുമുട്ടലിനെക്കുറിച്ചുള്ള കൂടുതൽ വിവരങ്ങൾ പുറത്തുവന്നിട്ടില്ല.