കോറോണ; ആരോഗ്യ, വാഹന ഇൻഷുറൻസ് പോളിസികൾ പുതുക്കുന്നതിനുള്ള കാലാവധി നീട്ടി

കോറോണ വൈറസിന്റെ വ്യാപനം തുടരുന്ന പശ്ചാത്തലത്തിൽ പ്രധാനമന്ത്രി നരേന്ദ്ര മോദി lock down കാലാവധി 19 ദിവസത്തേക്ക് കൂടി നീട്ടിയിരിക്കുകയാണ്. 

ഇതിന്റെ അടിസ്ഥാനത്തിൽ ആരോഗ്യ, വാഹന ഇൻഷുറൻസ് പോളിസികൾ പുതുക്കുന്നതിനുള്ള കാലാവധി നീട്ടിയിട്ടുണ്ട്.  മാർച്ച് 25 നും മെയ് 3 നുമിടയിൽ കാലാവധി തീരുന്ന പോളിസികൾ  മെയ് 15 നകം പുതുക്കിയാൽ മതിയെന്ന് ധനമന്ത്രാലയം അറിയിച്ചിട്ടുണ്ട്. 

അതുകൊണ്ടുതന്നെ ഈ കാലയളവിൽ പുതുക്കേണ്ട സമയം കഴിഞ്ഞാലും പോളിസി നിലനിൽക്കും.  ഇത് തേഡ് പാര്‍ട്ടി മോട്ടോര്‍വാഹന ഇന്‍ഷുറന്‍സിനും ആരോഗ്യ ഇന്‍ഷുറന്‍സ് പോളിസികള്‍ക്കുമാണ് ബാധകമെന്നാണ് റിപ്പോർട്ട്. 

ആരോഗ്യ ഇൻഷുറൻസ്  പോളിസികൾക്ക് സാധാരണയായി കാലാവധി  കഴിഞ്ഞാലും പ്രീമിയം അടച്ച് പുതുക്കുന്നതിന് ഒരുമാസത്തെ സമയം നൽകാറുണ്ട്. പക്ഷേ ആ സമയത്ത് ക്ലെയിം ആവശ്യമായി വന്നാൽ പരിഗണിക്കില്ല. 

എന്നാൽ ഇപ്പോഴത്തെ സാഹചര്യത്തിൽ മെയ് 15 നകം പോളിസി പുതുക്കിയാൽ കാലാവധി തീർന്ന അന്നുമുതലുള്ള പ്രബല്യമുണ്ടാകും.