നിവാര്‍ ചുഴലിക്കാറ്റ് ഇന്നലെ രാത്രി തീരംതൊട്ടു; രണ്ടുമരണം

ചെന്നൈ: മണിക്കൂറിൽ 145 കിലോമീറ്റർ വേഗതയില്‍ നിവാര്‍ ചുഴലിക്കാറ്റ് ഇന്നലെ രാത്രി പുതുച്ചേരിക്ക് അടുത്ത് തീരംതൊട്ടു. മണിക്കൂറിൽ 100 മുതൽ 110 കിലോമീറ്റര്‍ വേഗതയിൽ വീശുന്ന കാറ്റ് ചില സമയങ്ങളിൽ 120 കിലോമീറ്ററിൽ എത്തുന്നതായും കാലാവസ്ഥാ നിരീക്ഷണ കേന്ദ്രം അറിയിച്ചു.

ചുഴലിക്കാറ്റ് കടലൂരില്‍ വ്യാപക നാശനഷ്ടമാണുണ്ടാക്കിയത്. വൈദ്യുതി പോസ്റ്റ് വീഴുകയും, വീട് തകർന്ന് വീണ് രണ്ട് പേര് മരിക്കുകയും ചെയ്തു. വൈദ്യുതി വിതരണം ചെന്നൈയിൽ നിലച്ചിരിക്കുകയാണ്. ചുഴലിക്കാറ്റ് തീരം തൊടുന്നതിനു മുൻപേ ഒരു ലക്ഷത്തോളം ആളുകളെയാണ് താഴ്ന പ്രദേശങ്ങളില്‍ നിന്നും ഒഴിപ്പിച്ചത്. കൂടാതെ 1,516 ദുരതാശ്വാസ ക്യാമ്പുകൾ തുറക്കുകയും ചെയ്തിട്ടുണ്ട് എന്ന് ഉദ്യോഗസ്ഥർ അറിയിച്ചു. ചെന്നൈയിൽനിന്നുള്ള 27 ട്രെയിനുകൾ റദ്ദാക്കിയിരിക്കുകയാണ്.