Categories: India

എയര്‍ ഇന്ത്യ വിമാനത്തില്‍ യാത്രക്കാരന്‍ മരിച്ചു

മുംബൈ: എയര്‍ ഇന്ത്യ വിമാനത്തില്‍ യാത്രക്കാരന്‍ മരിച്ചു. ലാഗോസില്‍ നിന്ന് മുംബൈയിലേക്കുള്ള വിമാനത്തിലാണ് യാത്രക്കാരന്‍ മരിച്ചത്. അസാധാരണായ സാഹചര്യത്തിലാണ് മരണമെന്നാണ് റിപ്പോര്‍ട്ട്.

ഇദ്ദേഹം വിമാനത്തിനുള്ളില്‍ വിറയ്ക്കുന്ന സാഹചര്യമുണ്ടായിരുന്നെന്ന് ഇന്ത്യാടുഡേ റിപ്പോര്‍ട്ട് ചെയ്തു. തനിക്ക് മലേറിയ ഉണ്ടെന്ന് ഇദ്ദേഹം എയര്‍ഇന്ത്യ ക്രൂവിനോട് പറഞ്ഞിരുന്നു.

ഇദ്ദേഹത്തിന് ശ്വാസ തടസങ്ങളുണ്ടായതിനെത്തിടര്‍ന്ന് വിമാന ജീവനക്കാര്‍ ഓക്‌സിജന്‍ നല്‍കിയിരുന്നു. എന്നാല്‍, ഇദ്ദേഹം നിലത്തേക്ക് വീഴുകയും മരിക്കുകയുമായിരുന്നു. മരണം സംഭവിക്കുന്നതിന് മുമ്പ് ഇദ്ദേഹത്തിന്റെ വായിലൂടെ രക്തം വന്നിരുന്നെന്നും വൃത്തങ്ങളെ ഉദ്ധരിച്ച് ഇന്ത്യാ ടുഡേ റിപ്പോര്‍ട്ട് ചെയ്തു.

ഇന്ന് പുലര്‍ച്ചെ 3.40 ഓടെയാണ് വിമാനം  മുംബൈ വിമാനത്താവളത്തില് എത്തിയത്. ലാഗോസ് വിമാനത്താവളത്തില്‍ നടത്തിയ തെര്‍മല്‍ സ്‌ക്രീനിങ്ങിലെ അപാകതകളുണ്ടായിരുന്നോ എന്ന അഭ്യൂഹങ്ങള്‍ ഉയരുന്നുണ്ട്. കൊവിഡ് വ്യാപിക്കുന്ന സാഹചര്യത്തില്‍ വിമാനത്താവളങ്ങളില്‍ കനത്ത പരിശോധനകള്‍ നടത്തണമെന്ന നിര്‍ദ്ദേശങ്ങള്‍ നിലനില്‍ക്കെയാണ് 42 കാരന്റെ മരണം.

എന്നാല്‍, യാത്രക്കാരന്റെ മരണത്തില്‍ അസ്വാഭാവികതകളില്ലെന്നാണ് എയര്‍ഇന്ത്യ അറിയിച്ചിരിക്കുന്നത്. യാത്രക്കാരന് പനിയുണ്ടായിരുന്നു എന്ന ആരോപണവും എയര്‍ ഇന്ത്യ തള്ളി. അങ്ങനെയായിരുന്നെങ്കില്‍ ലാഗോസിലുള്ള തങ്ങളുടെ മെഡിക്കല്‍ സ്‌ക്രീനിങ് ടീം അത് കണ്ടെത്തുമായിരുന്നെന്നും കമ്പനി അറിയിച്ചു.

‘വിമാനത്തില്‍ ജീവനക്കാര്‍ക്കൊപ്പം ഇത്തരം ഘട്ടങ്ങളെ കൈകാര്യം ചെയ്യാനുള്ള ഒരു ഡോക്ടറും ഉണ്ടായിരുന്നു. യാത്രക്കാരന്റെ ജീവന്‍ രക്ഷിക്കാനുള്ള എല്ലാ പ്രവര്‍ത്തനങ്ങളും അവര്‍ ചെയ്തിരുന്നു. പക്ഷേ, അവരുടെ പ്രവര്‍ത്തനങ്ങളെല്ലാം വെറുതെയായി, അദ്ദേഹം പെട്ടെന്നുതന്നെ മരിക്കുകയായിരുന്നു. മരണം ഡോക്ടര്‍ സ്ഥിരീകരിക്കുകയും ചെയ്തു’, എയര്‍ ഇന്ത്യ പുറത്തിറക്കിയ പ്രസ്താവനയില്‍ പറഞ്ഞു.

വിമാനം മുംബൈയില്‍ ഇറങ്ങിയതിന് ശേഷം എല്ലാ മാനദണ്ഡങ്ങളും പാലിച്ച് മൃതദേഹം ആശുപത്രിയിലേക്ക് മാറ്റിയെന്നും ബന്ധുക്കളെ വിവരം അറിയിച്ചിട്ടുണ്ടെന്നും എയര്‍ഇന്ത്യ അധികൃതര്‍ അറിയിച്ചു. വിമാനം അണുവിമുക്തമാക്കാനുള്ള നടപടികള്‍ ആരംഭിച്ചെന്നും കമ്പനി വ്യക്തമാക്കി.

Newsdesk

Recent Posts

ജെയിംസ് ബോണ്ടായി ഇനി റോബർട്ട് പാറ്റിൻസൺ.! 007ന്റെ പുതിയ മുഖത്തെ പ്രഖ്യാപിച്ച് ആമസോൺ

ലോകമെമ്പാടുമുള്ള സിനിമാപ്രേമികൾ ആകാംക്ഷയോടെ കാത്തിരുന്ന പ്രഖ്യാപനം എത്തി. പ്രശസ്ത ബ്രിട്ടീഷ് നടൻ റോബർട്ട് പാറ്റിൻസൺ അടുത്ത ജെയിംസ് ബോണ്ടായി എത്തും.…

5 hours ago

അരികിൽ ടൈറ്റിൽ പ്രകാശനം മോഹൻലാൽ നിർവ്വഹിച്ചു

  നവാഗതനായ രജീഷ് രാജൻ തിരക്കഥ രചിച്ച് സംവിധാനം ചെയ്യുന്ന അരികിൽ എന്ന ചിത്രത്തിൻ്റെ ടൈറ്റിൽ പ്രകാശനം മോഹൻലാൽ നിർവ്വഹിച്ചു.…

7 hours ago

ലോസ് ഏഞ്ചൽസ് വേദികൾ ലക്ഷ്യമിട്ട് ‘വേറെ ഒരു കേസ്’; ആഗോളതലത്തിൽ ചുവടുറപ്പിക്കാൻ ഷെബി ചൗഘട്ട് – ഫുവാദ് പനങ്ങായി കൂട്ടുകെട്ട്

​വിവിധ ചലച്ചിത്രമേളകളിൽ പുരസ്കാരങ്ങളും നിരൂപക പ്രശംസയും നേടിയ 'വേറെ ഒരു കേസ്' ഇനി ലോസ് ഏഞ്ചൽസ് ഉൾപ്പെടെയുള്ള രാജ്യാന്തര സിനിമാ…

8 hours ago

വെള്ളപ്പൊക്കം 21 മണിക്കൂർ മുമ്പേ അറിയാം! ഡബ്ലിനിൽ AI മുന്നറിയിപ്പ് സംവിധാനം വരുന്നു

ഡബ്ലിനിൽ കനത്ത മഴയും വെള്ളപ്പൊക്കവും ഉണ്ടാകാനുള്ള സാധ്യത 13 മുതൽ 21 മണിക്കൂർ മുമ്പ് തിരിച്ചറിയാൻ കഴിയുന്ന ആർട്ടിഫിഷ്യൽ ഇന്റലിജൻസ്…

21 hours ago

കള്ളപ്പണം, തട്ടിപ്പ്, സാമ്പത്തിക കുറ്റകൃത്യങ്ങൾ; തടയാൻ അയർലണ്ടിന്റെ പുതിയ നീക്കം! കമ്പനികളുടെ ഉടമസ്ഥ വിവരങ്ങളിൽ കൂടുതൽ പരിശോധന

അയർലണ്ടിലെ സാമ്പത്തിക ഇടപാടുകളിൽ കൂടുതൽ സുതാര്യത ഉറപ്പാക്കുന്നതിനും കള്ളപ്പണം വെളുപ്പിക്കൽ, ഭീകരവാദ പ്രവർത്തനങ്ങൾക്കുള്ള സാമ്പത്തിക സഹായം എന്നിവ തടയുന്നതിനുമായി പുതിയ…

1 day ago

വ്യാപാരി പ്രമുഖൻ ടി.എസ്.പട്ടാഭിരാമൻ 75-ന്റെ നിറവിൽ: വിജയഗാഥയും ജീവകാരുണ്യവും

തൃശൂരിന്റെ വ്യവസായ ചരിത്രത്തിൽ സമാനതകളില്ലാത്ത വ്യക്തിത്വമാണ് കല്യാൺ സിൽക്സിന്റെ സാരഥിയായ ടി.എസ്. പട്ടാഭിരാമൻ. ചെറിയൊരു തുണിക്കടയിൽ നിന്ന് ആരംഭിച്ച്, ദക്ഷിണേന്ത്യയിലെയും…

2 days ago