ന്യൂദല്ഹി: വിരമിക്കാന് മാസങ്ങള് മാത്രം ശേഷിക്കെ റിസര്വ് ബാങ്ക് ഡെപ്യൂട്ടി ഗവര്ണര് എന്.എസ് വിശ്വനാഥന് രാജിവെച്ചു. ആരോഗ്യ പ്രശ്നങ്ങളെത്തുടര്ന്നാണ് രാജി എന്നാണ് അദ്ദേഹം അറിയിച്ചിരിക്കുന്നത്. രാജിവെച്ച ആര്.ബി.ഐ മുന് ഗവര്ണര് ഉര്ജിത് പട്ടേലിന്റെ അടുപ്പക്കാരനായിരുന്നു എന്.എസ് വിശ്വനാഥന്.
29 വര്ഷത്തെ സേവനത്തിനൊടുവില് എന്.എസ് വിശ്വനാഥന് മാര്ച്ച് 31ന് പടിയിറങ്ങും. കേന്ദ്രത്തിന്റെ പുതിയ ബാങ്കിങ് നിയന്ത്രണങ്ങളിലും മറ്റും പരിശോധനകള് നടത്തുന്നതിന്റെ ഭാഗമായി കഴിഞ്ഞ ജൂണില് വിശ്വനാഥന്റെ പ്രവര്ത്തന കാലാവധി നീട്ടിയിരുന്നു.
ജോലി സ്ഥലത്തെ സമ്മര്ദ്ദത്തെത്തുടര്ന്നുള്ള ആരോഗ്യപ്രശ്നങ്ങളെത്തുടര്ന്ന് ഡോക്ടര്മാര് വിശ്വനാഥനോട് വിശ്രമം ആവശ്യപ്പെട്ടിരുന്നെന്നാണ് അടുത്ത വൃത്തങ്ങള് സൂചിപ്പിക്കുന്നത്.
എച്ച്.ആര് ഖാനിന് ശേഷമായിരുന്നു വിശ്വനാഥന് ഡെപ്യൂട്ടി ഗവര്ണര് സ്ഥാനം ഏറ്റെടുത്തത്. അതിന് മുമ്പ് ആര്.ബി.ഐ ബാങ്കിങ് ഇതര സേവനങ്ങളുടെ പ്രിന്സിപല് ജനറല് മാനേജരായിരുന്നു അദ്ദേഹം.
15 മാസത്തിനിടെ ആര്.ബി.ഐയുടെ ഉന്നത സ്ഥാനങ്ങളില്നിന്നും രാജി വെക്കുന്ന മൂന്നാമത്തെ വ്യക്തിയാണ് വിശ്വനാഥന്. ഉര്ജിത് പട്ടേലിന്റെ രാജിക്ക് പിന്നാലെ അടുത്ത ആര്.ബി.ഐ ഗവര്ണര് സ്ഥാനത്തേക്ക് വിശ്വനാഥനാവും പരിഗണിക്കപ്പെടുക എന്ന അഭ്യൂഹവുമുയര്ന്നിരുന്നു.
ഡൽഹി: പശ്ചിമേഷ്യയിൽ വീണ്ടും സംഘർഷം രൂക്ഷമാകുന്ന പശ്ചാത്തലത്തിൽ സാഹചര്യം വിലയിരുത്തി കേന്ദ്രമന്ത്രിസഭ. പശ്ചിമേഷ്യൻ സംഘർഷത്തിന്റെ പശ്ചാത്തലത്തിലെ സ്ഥിതിഗതികളും വിവിധ മന്ത്രാലയങ്ങൾ…
യൂറോപ്യൻ സെൻട്രൽ ബാങ്ക് (ECB) പുതിയ യൂറോ ബാങ്ക്നോട്ടുകളുടെ അടുത്ത പരമ്പരയ്ക്കായി തയ്യാറാക്കിയ പത്ത് അന്തിമ ഡിസൈൻ നിർദേശങ്ങൾ പുറത്തുവിട്ടു.…
ബാങ്ക് ഓഫ് അയർലൻഡ് ഉപഭോക്താക്കൾക്കായി പുതിയ മൊബൈൽ ബാങ്കിംഗ് ആപ്പ് അടുത്ത ഏതാനും ആഴ്ചകൾക്കുള്ളിൽ അവതരിപ്പിക്കും. ആദ്യം ആൻഡ്രോയിഡ് ഉപയോക്താക്കൾക്കാണ്…
2030-ഓടെ 13,000-ത്തിലധികം പുതിയ വീടുകൾ നിർമ്മിക്കുമെന്ന് അയർലണ്ടിന്റെ ലാൻഡ് ഡെവലപ്മെന്റ് ഏജൻസി (LDA) അറിയിച്ചു. ഇതിനകം 3,215 വീടുകൾ പൂർത്തിയാക്കിയ…
അറ്റ് ഫിലിംസ് പ്രൈവറ്റ് ലിമിറ്റഡിൻ്റെ ബാനറിൽ ബസ്സം കാദിയാർ നിർമ്മിച്ച് റെജിൻ. എസ്. ബാബു തിരക്കഥ രചിച്ച് സംവിധാനം ചെയ്യുന്ന…
രണ്ടു വമ്പൻ ചിത്രങ്ങളുമായിന്യൂസൂര്യ ഫിലിംസ് കടന്നുവരുന്നു.സൂര്യ നായകനായ വിശ്വനാഥൻ ആൻ്റെ സൺസ്, വിശാൽ നായകനായ മകുടംഎന്ന ചിത്രവുമാണിവ. മകുടം തിരക്കഥ…