കോവിഡ് ആശുപത്രിയിൽ ഓക്സിജന്റെ അഭാവം മൂലം 12 രോഗികൾ മരിച്ചു; മരിച്ചവരുടെ ബന്ധുക്കള്‍ ആശുപത്രിക്ക് മുമ്പില്‍ പ്രതിഷേധത്തിൽ

ഞായറാഴ്ച ബെംഗളൂരുവിൽ നിന്ന് 175 കിലോമീറ്റർ അകലെയുള്ള ചാമരാജനഗറിലെ ജില്ലാ കോവിഡ് ആശുപത്രിയിൽ 24 രോഗികൾ മരിച്ചു. ജില്ലാ ഭരണകൂടത്തിന്റെ കണക്കനുസരിച്ച് 12 ഓളം രോഗികൾ ഹോസ്പിറ്റലിന്റെ ഓക്സിജന്റെ അഭാവം മൂലമാണ് മരിച്ചത്.

അതേസമയം, മരണങ്ങളുടെ എണ്ണം അധികൃതർ കെട്ടിച്ചമച്ചതാണെന്നാണ് നാട്ടുകാർ ആരോപിക്കുന്നത്. കോവിഡ് ഇതര രോഗികൾക്ക് പോലും ഓക്സിജൻ ക്ഷാമം നേരിടേണ്ടിവന്നുവെന്നും മരണത്തിന് കാരണമാകുമെന്നും അവർ അവകാശപ്പെട്ടു.

ആശുപത്രിക്ക് മുമ്പില്‍ മരിച്ചവരുടെ ബന്ധുക്കള്‍ പ്രതിഷേധിക്കുകയാണ്. അതേസമയം കഴിഞ്ഞ 24 മണിക്കൂറിനിടെ 368147 കോവിഡ് കേസുകളാണ് രാജ്യത്ത് റിപ്പോര്‍ട്ട് ചെയ്തത്. ഇന്നലെ 3417 പേര്‍ കോവിഡ് ബാധിച്ചു മരിച്ചു. കഴിഞ്ഞ ആഴ്ചയില്‍ 26 ലക്ഷത്തില്‍ അധികം കൊവിഡ് കേസുകളാണ് രാജ്യത്ത് റിപ്പോര്‍ട്ട് ചെയ്തത്.