യൂടായിൽ കണ്ടെത്തിയ ലോഹത്തൂൺ അപ്രത്യക്ഷമായതിനു പിന്നാലെ ഇതാ റൊമാനിയയിലെ ലോഹത്തൂണും അപ്രത്യക്ഷമായി!!

യൂടായിൽ കണ്ടെത്തിയ ലോഹത്തൂൺ അപ്രത്യക്ഷമായതിനു പിന്നാലെ കഴിഞ്ഞ ദിവസം റൊമാനിയയിൽ കണ്ടെത്തിയ ലോഹത്തൂൺ അപ്രത്യക്ഷമായിരിക്കുന്നു. ഒരു പുരാതന കോട്ടയോട് ചേർന്ന് ഒരു മോണോലിത്തിന്റെ പെട്ടെന്നുള്ള രൂപം പ്രത്യക്ഷപ്പെട്ട് നാല് ദിവസത്തിന് ശേഷമാണ് ഈ ദുരൂഹമായ തിരോധാനം സംഭവിക്കുന്നത്.

ബാറ്റ്കാസ് ഡോംനേ എന്ന കുന്നിൽ നിന്ന് പ്രത്യക്ഷപ്പെട്ട് നാലു ദിവസത്തിനു ശേഷമാണ് തൂൺ കാണാതായത്. തൂൺ നിന്ന സ്ഥലത്തു ഇപ്പോൾ ഒരു കുഴി മാത്രമാണുള്ളത്. യൂട്ടാ മരുഭൂമിയിൽ സമാനമായ ഒരു ലോഹത്തൂൺ യാതൊരു വിശദീകരണവുമില്ലാതെ കണ്ടെത്തിയതിനെത്തുടർന്നാണ് വിചിത്രമായ ഈ കണ്ടെത്തൽ, ഇത് അന്യഗ്രഹജീവികളുടെ സൃഷ്ടിയാകാമെന്ന അഭ്യൂഹങ്ങൾക്ക് ഇടയാക്കിയിരുന്നു.

സംഭവത്തിൽ അന്വേഷണം ആരംഭിച്ചിട്ടുണ്ട്. യൂടായിൽ നിന്ന് കാണാതായ നി​ഗൂഢ ലോഹത്തൂൺ നാല് യുവാക്കൾ ചേർന്ന് ഇളക്കി മാറ്റിയതാണെന്ന് പിന്നീട് കണ്ടെത്തി. ലോഹത്തൂൺ പ്രകൃതിയെ മലിനമാക്കുന്ന വസ്തുവായാണ് ഇവർ കരുതിയത്, അതുകൊണ്ടാണ് അവർ ലോഹത്തൂണിനെ അവിടെ നിന്ന് ഇളക്കി മാറ്റിയത്.