ലൈവ് ഷോക്കിടെ സ്റ്റുഡിയോ സെറ്റിന്‍റെ ഭാഗം തകർന്ന് വീണ് മാധ്യമപ്രവർത്തകന് പരിക്ക്; വീഡിയോ കാണാം

കൊളംബിയ: ലൈവ് ഷോ നടക്കുന്നതിനിടെ സ്റ്റുഡിയോ സെറ്റിന്‍റെ ഭാഗം തകർന്ന് വീണ് മാധ്യമപ്രവർത്തകന് പരിക്കേറ്റു. ഇഎസ്പിൻ കൊളംബിയയിലെ മാധ്യമപ്രവർത്തകൻ കാർലോസ് ഓർഡസിനാണ് മോണിറ്റർ പോലുള്ള ഒരു ഭാഗം ദേഹത്തേക്ക് വീണ് പരിക്കേറ്റത്.രാജ്യന്തര സ്പോർട്സ് ചാനലായ ESPN കൊളംബിയിലെ ഒരു ലൈവ് ചർച്ചക്കിടെയാണ് സംഭവം നടന്നത്.

ചർച്ചയുടെ പാനലിൽ ഇരിക്കുന്ന അവതാരകിന്റെ പുറത്തേക്ക് എൽഇഡി വാൾ വന്നടിക്കുകയായിരുന്നു. അദ്ദേഹത്തിന്റെ പരിക്ക് ഗുരുതരമല്ലെന്നാണ് റിപ്പോർട്ട്. ഇതിനോടകം തന്നെ ഇയാളുടെ ദേഹത്തേക്ക് എൽഇഡി വാൾ വീഴുന്നതിന്‍റെ ദൃശ്യങ്ങൾ സോഷ്യൽമീഡിയയിൽ വ്യാപകമായി പ്രചരിക്കുന്നുണ്ട്.

സെറ്റ് വീണ ഉടൻ തന്നെ പെട്ടെന്ന് ക്യാമറെ ടീം ദൃശ്യം മാറ്റി സമീപത്തുള്ള മറ്റൊരു അവതാരകനെ മാത്രം സ്ക്രീനിൽ കാണിക്കുകയായിരുന്നു. എന്തുചെയ്യണമെന്നറിയാതെ അവതാരകൻ ബ്രേക്കിനായി അറിയിക്കുകയായിരുന്നു.