പെഷവാറിലെ മദ്രസ്സയിൽ സ്‌ഫോടനം; 7 പേർ മരിച്ചു, 70 പേർക്ക് പരിക്കേറ്റു.

പെഷവാർ: മദ്രസയിലെ സ്ഫോടനം പാക്കിസ്ഥാനിലെ പെഷവാറിലെ ഒരു കോളനിയെ പിടിച്ചുകുലുക്കി. സ്‌ഫോടനത്തിൽ ഏഴ് പേർ മരിക്കുകയും, 70 പേർക്ക് പരിക്കേൽക്കുകയും ചെയ്തു. പെഷവാറിലെ ദിർ കോളനിയിൽ ഇന്നലെയാണ് സംഭവം നടന്നത്.

അജ്ഞാതർ പ്ലാസ്റ്റിക് ബാഗിൽ സ്‌ഫോടകവസ്തുക്കൾ കൊണ്ടുവെച്ച മദ്രസയിലാണ് സ്‌ഫോടനം നടന്നതെന്ന് പോലീസ് ഉദ്യോഗസ്ഥർ പറയുന്നു. മരിച്ചവരിൽ കുട്ടികളും ഉൾപ്പെടുന്നു. സ്‌ഫോടനം നടന്നപ്പോൾ പലരും പഠിക്കുകയായിരുന്നുവെന്ന് നഗരവാസിയായ അബ്ദുൾ റഹിം പറഞ്ഞു. സ്ഫോടനത്തെക്കുറിച്ച് കൂടുതൽ വിവരങ്ങളൊന്നും ലഭിച്ചിട്ടില്ലെന്നാണ് റിപ്പോർട്ട്.