Categories: International

ജീവനക്കാരിൽ കോവിഡ് ബാധ; മക്ഡൊണാൾഡ് സിംഗപ്പൂരിലെ പ്രവർത്തനം താത്കാലികമായി നിർത്തിവെച്ചു

സിംഗപ്പൂർ: ജീവനക്കാരിൽ കോവിഡ് ബാധ സ്ഥിരീകരിച്ചതിനെ തുടർന്ന് ഫാസ്റ്റ് ഫുഡ് ഭീമന്മാരായ മക്ഡൊണാൾഡ് സിംഗപ്പൂരിലെ പ്രവർത്തനം താത്കാലികമായി നിർത്തിവെച്ചു. മെയ് 4വരെയാണ് പ്രവർത്തനം നിർത്തിവെച്ചിരിക്കുന്നത്. കഴിഞ്ഞയാഴ്ചയാണ് മക്ഡൊണാൾഡിലെ ഏഴ് ജീവനക്കാർക്ക് കോവിഡ് സ്ഥിരീകരിച്ചത്.

ഡ്രൈവ് ത്രൂ, ഡെലിവറി സേവനങ്ങൾ എന്നിവയും നിർത്തി. അമേരിക്കൻ ഫാസ്റ്റ് ഫുഡ് ശൃംഖലയായ മക് ഡൊണാൾഡ് സനിയാഴ്ച മുതൽ സിംഗപ്പൂരിൽ പ്രവർത്തനം നിർത്തിയതായി ന്യൂസ് ഏഷ്യ ചാനലാണ് റിപ്പോർട്ട് ചെയ്തിരിക്കുന്നത്.

കൊറോണ വ്യാപനം തടയുന്നതിനായി മെയ് നാലു വരെ ഡ്രൈവ് ത്രൂ, ഡെലിവറി സേവനങ്ങൾ എന്നിവ ഉൾപ്പെടെയുള്ള റെസ്റ്റോറന്റിന്റെ പ്രവർത്തനങ്ങൾ നിർത്തിവയ്ക്കാൻ ആരോഗ്യമന്ത്രാലയം ആവശ്യപ്പെട്ടതായി മക്ഡൊണാൾഡ് കുറിപ്പിൽ വ്യക്തമാക്കി.

ജീവനക്കാരുടെയും ഉപഭോക്താക്കളുടെയും സുരക്ഷയ്ക്കായി എല്ലാ സുരക്ഷാ മുൻകരുതൽ നടപടികളും സ്വീകരിച്ചിരുന്നുവെന്നും ഒപ്പം വൈറസ് പടരുന്നത് തടയുന്നതിന് തങ്ങൾക്ക് ചെയ്യാനാവുന്നത് ചെയ്യുമെന്നും മക്ഡൊണാൾഡ് സിംഗപ്പൂർ മാനേജിംഗ് ഡയറക്ടർ കെന്നത്ത് ചാൻ പറഞ്ഞു.

“ഞങ്ങളുടെ ഉപഭോക്താക്കളുടെ നിരന്തരമായ പിന്തുണയ്ക്ക് ഞങ്ങൾ നന്ദി പറയുന്നു, മെയ് 5 ന് വീണ്ടും സേവനം ചെയ്യാൻ കഴിയുമെന്ന് വിശ്വസിക്കുന്നു” അദ്ദേഹം കൂട്ടിച്ചേർത്തു.

രാജ്യത്തെ 135 ഔട്ട്ലെറ്റുകളിൽ ജോലി ചെയ്യുന്ന പതിനായിരത്തിലധികം ജീവനക്കാരുടെ ശമ്പളം നൽകുന്നത് തുടരുമെന്നും കമ്പനി അറിയിച്ചു. ശനിയാഴ്ച മാത്രം 942 പുതിയ കോവിഡ് കേസുകളാണ് സിംഗപ്പൂരിൽ റിപ്പോർട്ട് ചെയ്തത്. 11 പേരാണ് സിംഗപ്പൂരിൽ ഇതുവരെ രോഗം ബാധിച്ച് മരിച്ചത്. 6000 പേരിൽ വൈറസ് ബാധ സ്ഥിരീകരിച്ചിട്ടുണ്ട്.

Newsdesk

Recent Posts

ആയിരക്കണക്കിന് വോഡഫോൺ ഉപയോക്താക്കൾക്ക് €45 റീഫണ്ട് ലഭിക്കും

കമ്പനി "റോമിംഗ് നിയന്ത്രണങ്ങൾ" ലംഘിച്ചതിന് ആയിരക്കണക്കിന് വോഡഫോൺ ഉപഭോക്താക്കൾക്ക് ഏകദേശം €45 റീഫണ്ട് നൽകും.റോമിംഗ് നിരക്കുകളെക്കുറിച്ച് കമ്പനി തങ്ങളുടെ ഉപഭോക്താക്കൾക്ക്…

2 hours ago

“PHOENIX ഇൻഡോർ ക്രിക്കറ്റ്‌ ടൂർണമെന്റ്” ഡിസംബർ 31, ജനുവരി 1 തീയതികളിൽ

PHOENIX GALWAY സംഘടിപ്പിക്കുന്ന "ക്രിക്കറ്റ്‌ ടൂർണമെന്റ്" ഡിസംബർ 31, ജനുവരി 1 തീയതികളിൽ നടക്കും. ഗാൽവേ Colaiste Muire Mathair…

22 hours ago

ഇൻഫ്ലുവൻസ പടരുന്നു; ജാഗ്രത വേണമെന്ന് ആരോഗ്യവിദഗ്ധർ

ന്യൂയോർക് :ഈ വർഷത്തെ ഫ്ലൂ (പനി) സീസൺ അതീവ ഗുരുതരമാകാൻ സാധ്യതയുണ്ടെന്ന് ആരോഗ്യവിദഗ്ധർ മുന്നറിയിപ്പ് നൽകുന്നു. 'H3N2' എന്ന പുതിയ…

23 hours ago

തിരുവല്ലയിലെ പ്രമുഖ അഭിഭാഷക അഡ്വ. റെയ്ച്ചൽ. പി. മാത്യു അന്തരിച്ചു

ഡാളസ്/തിരുവല്ല: തിരുവല്ലയിലെ പ്രമുഖ അഭിഭാഷക അഡ്വ. റെയ്ച്ചൽ പി. മാത്യു(73) അന്തരിച്ചു. കീഴ്വായ്പൂർ പയറ്റുകാലായിൽ പരേതനായ അഡ്വ. തോമസ് മാത്യു…

24 hours ago

മാരകമായ അലർജിക്ക് സാധ്യത  ചോക്ലേറ്റുകൾ തിരിച്ചുവിളിച്ച് യുഎസ് എഫ്.ഡി.എ

സിയാറ്റിൽ:അമേരിക്കയിലെ സിയാറ്റിൽ ആസ്ഥാനമായി പ്രവർത്തിക്കുന്ന 'ഫ്രാൻസ് ചോക്ലേറ്റ്സ്' പുറത്തിറക്കിയ ചോക്ലേറ്റ് ബാറുകൾ മാരകമായ ആരോഗ്യപ്രശ്നങ്ങൾക്ക് കാരണമായേക്കാമെന്ന് യുഎസ് ഫുഡ് ആൻഡ്…

24 hours ago

യുഎസ് വിസ വൈകുന്നു; വിദേശയാത്ര ഒഴിവാക്കാൻ ജീവനക്കാർക്ക് ഗൂഗിളിന്റെ നിർദ്ദേശം

വാഷിംഗ്‌ടൺ ഡി സി: അമേരിക്കൻ എംബസികളിൽ വിസ സ്റ്റാമ്പിംഗിന് നേരിടുന്ന കനത്ത കാലതാമസം കണക്കിലെടുത്ത്, അനാവശ്യമായ വിദേശയാത്രകൾ ഒഴിവാക്കാൻ ഗൂഗിൾ…

24 hours ago