അനധികൃത കുടിയേറ്റക്കാരെ പിടികൂടാൻ തുറമുഖങ്ങളിൽ ലൈവ് ഫേഷ്യൽ റെക്കഗ്നിഷൻ ക്യാമറകൾ സ്ഥാപിച്ച് യുകെ

യുകെയിലേക്ക് കടക്കാൻ ശ്രമിക്കുന്ന അനധികൃത കുടിയേറ്റക്കാരെ പിടികൂടാൻ ലൈവ് ഫേഷ്യൽ റെക്കഗ്നിഷൻ ഉപയോഗിക്കും. അതിർത്തി കടക്കാൻ ശ്രമിക്കുന്നവരെ തടയാൻ തുറമുഖങ്ങളിൽ പ്രത്യേക ക്യാമറകൾ സ്ഥാപിച്ചു. ഹോളിഹെഡിൽ പതിനഞ്ച് ക്യാമറകൾ വിന്യസിക്കുകയും ഏകദേശം 5,000 കുറ്റവാളികളുടെ ഒരു വാച്ച് ലിസ്റ്റ് ഉപയോഗിച്ച് പരിശോധന നടത്തുകയും ചെയ്തു. ഒരാളെ അറസ്റ്റ് ചെയ്തു.സാങ്കേതികവിദ്യ പരീക്ഷിക്കുന്നതിനായി ഇമിഗ്രേഷൻ എൻഫോഴ്‌സ്‌മെന്റ്, ബോർഡർ ഫോഴ്‌സ്, ലോക്കൽ പോലീസ് എന്നിവർ കഴിഞ്ഞ വർഷം അവസാനം ഒരു ട്രയൽ നടത്തിയിരുന്നു.

Join GNN24X7 IRELAND Whatsapp Group 🔗https://chat.whatsapp.com/DMcx9ffd8nI5hZfAUsl96s?mode=hqrt3

നാടുകടത്തൽ ഉത്തരവുകൾ ലംഘിക്കുന്ന ആളുകളെ തിരിച്ചറിയുക എന്നതായിരുന്നു ഇതിന്റെ ലക്ഷ്യം.റിപ്പബ്ലിക് ഓഫ് അയർലണ്ടിൽ നിന്നുള്ള പ്രവേശകർക്കുള്ള പ്രധാന തുറമുഖമായ വെയിൽസിലെ ആംഗ്ലെസിയിലെ ഹോളിഹെഡിൽ ആകെ 15 ക്യാമറകൾ വിന്യസിച്ചിട്ടുണ്ടെന്ന് ഹോം ഓഫീസ് പ്രസിദ്ധീകരിച്ച ഡാറ്റ കാണിക്കുന്നു. ഡോവർ കഴിഞ്ഞാൽ, യുകെയിലെ ഏറ്റവും തിരക്കേറിയ രണ്ടാമത്തെ യാത്രാ ഫെറി തുറമുഖമാണിത്.

ഇമിഗ്രേഷൻ എൻഫോഴ്‌സ്‌മെന്റ് ജീവനക്കാർ ആദ്യമായിട്ടായിരുന്നു എൽഎഫ്ആർ ക്യാമറകൾ ഉപയോഗിക്കുന്നത്. അനധികൃത കുടിയേറ്റക്കാരെ പിടികൂടാൻ സഹായിക്കുന്നതിനായി യുകെയിലെ മറ്റ് പ്രധാന തുറമുഖങ്ങളിലേക്കും ഈ സാങ്കേതികവിദ്യ വ്യാപിപ്പിക്കനാണ് സാധ്യത.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==