Categories: KeralaTop Stories

ചെലവ്‌ചുരുക്കല്‍; കരാറടിസ്ഥാനത്തിൽ ഡീസൽ വാഹനങ്ങൾ ഉപയോഗിക്കുന്ന സർക്കാർ സ്ഥാപനങ്ങളും വകുപ്പുകളും ഇ കാറിലേക്ക്

തിരുവനന്തപുരം: കരാറടിസ്ഥാനത്തിൽ ഡീസൽ വാഹനങ്ങൾ ഉപയോഗിക്കുന്ന സർക്കാർ സ്ഥാപനങ്ങളും വകുപ്പുകളും ഇലക്‌ട്രിക്‌ കാറുകളിലേക്ക്‌. ആദ്യ ഘട്ടത്തിൽ 22 സർക്കാർ ഓഫീസാണ്‌ ഇലക്‌ട്രിക്‌ കാറുകൾ വാടകയ്‌ക്ക്‌ എടുക്കുക‌. ഇതോടെ ചെലവ്‌ അഞ്ചിലൊന്നായി ചുരുങ്ങും. ഒരു മാസത്തെ വാടകയും എഗ്രിമെന്റും നൽകിയാൽ 30 ദിവസത്തിനകം അനർട്ട്‌ ഇലക്‌ട്രിക്‌ വാഹനങ്ങൾ ലഭ്യമാക്കും.

ടാറ്റ ടിഗോർ ഇവി, ടാറ്റ നെക്‌സോൺ ഇവി, ഹ്യൂണ്ടായി ഇവി എന്നീ മോഡലുകളാണ്‌ ഇപ്പോൾ ലഭ്യമായിട്ടുള്ളത്‌. ആറ്‌ മുതൽ എട്ട്‌ വർഷംവരെ കാലയളവിൽ വാഹനം ലീസിന്‌ എടുക്കാനാകും. വാഹനത്തിന്റെ രജിസ്‌ട്രേഷൻ ഫീസ്‌, ഇൻഷുറൻസ്‌ എന്നിവ അനർട്ട്‌ വഹിക്കും. ഇലക്‌ട്രിക്‌ വാഹനങ്ങൾ ഓടിക്കാൻ ഡ്രൈവർമാർക്ക്‌ ആവശ്യമായ പരിശീലനവും അനർട്ട്‌ നൽകും. വാഹനത്തിന്റെ മോഡൽ അനുസരിച്ച്‌ 22900 മുതൽ 42840 രൂപവരെയാണ്‌ മാസവാടക.

ഇലക്‌ട്രിക്‌ കാറുകൾക്ക്‌ പൂർണ ചാർജിൽ 380 മുതൽ 420 കിലോമീറ്റർവരെ യാത്ര ചെയ്യാം. പൂർണ ചാർജിങ്ങിന്‌ മൂന്ന്‌–-നാല്‌ മണിക്കൂർമതി. ഒരു യൂണിറ്റ്‌ വൈദ്യുതിയിൽ 10 കിലോമീറ്റർ സഞ്ചരിക്കാം. എൻജിൻ, ഗിയർബോക്‌സ്‌, റേഡിയേറ്റർ തുടങ്ങിയവ ഇല്ലാത്തതിനാൽ അറ്റകുറ്റപ്പണിയും കുറവാണ്‌.ഇ കാറിന്റെ പ്രധാന ഭാഗമായ മോട്ടോർ, ലിഥിയം ബാറ്ററി എന്നിവയ്‌ക്ക്‌ എട്ട്‌ വർഷം വാറന്റിയുണ്ട്‌.

ഇലക്‌ട്രിക്‌ കാറുകളുടെ ഉപയോഗത്തിന്‌ അനുസരിച്ച്‌ ബാറ്ററി ചാർജിങ് സ്‌റ്റേഷനുകൾ കൂടുതലായി ആരംഭിക്കാനുള്ള പ്രവർത്തനം പുരോഗമിക്കുകയാണെന്ന്‌ സർക്കാരിന്റെ ഇ മൊബിലിറ്റി സെൽ മേധാവി ജെ മനോഹരൻ പറഞ്ഞു. കെഎസ്‌ഇബി ചാർജിങ് സ്‌റ്റേഷനുകൾ ഒരുക്കുന്നതിന്‌ പുറമെ അനർട്ടും ചാർജിങ് സ്‌റ്റേഷനുകൾ ഒരുക്കും.
തിരുവനന്തപുരത്ത്‌ രണ്ടിടത്തും എറണാകുളത്ത്‌ ഒരിടത്തും അനർട്ടിന്റെ ചാർജിങ് സ്‌റ്റേഷൻ ഉടൻ സജ്ജമാകും.

Newsdesk

Recent Posts

അയർലണ്ടിൽ സ്കൂൾ ബസ് നിരക്ക് കുത്തനെ ഉയരും; സെക്കൻഡറി വിദ്യാർത്ഥികൾക്ക് ഇനി €350!

അയർലണ്ടിൽ സെക്കൻഡറി സ്കൂൾ വിദ്യാർത്ഥികളുടെ സ്കൂൾ ബസ് യാത്രാനിരക്ക് 250 ശതമാനം വർധിപ്പിക്കാനുള്ള സർക്കാർ തീരുമാനത്തിനെതിരെ പ്രതിഷേധം ശക്തമാകുന്നു. 2027…

49 mins ago

മോട്ടോർവേയിലെ ‘റോങ് വേ’ ഡ്രൈവിങിന് പൂട്ടിടാൻ നീക്കം; റോഡ് നിയമലംഘകർക്ക് 14 വർഷം വരെ തടവുശിക്ഷ പരിഗണിച്ച് ഗതാഗത സമിതി

അയർലണ്ടിൽ മോട്ടോർവേകളിൽ എതിർദിശയിൽ വാഹനമോടിക്കുന്നവർക്കെതിരെ കൂടുതൽ കടുത്ത ജയിൽശിക്ഷകൾ ഏർപ്പെടുത്തണമെന്ന് ഒയിറിയാക്റ്റസ് (Oireachtas) ഗതാഗത സമിതി. ഇത്തരം അപകടകരമായ ഡ്രൈവിങ്…

4 hours ago

‘WMF മെഹ്ഫിൽ ഇന്റർനാഷണൽ’ ഡബ്ലിനിൽ ഉദ്ഘാടനം ചെയ്തു

ഡബ്ലിൻ: ലോകമെമ്പാടുമുള്ള 171 രാജ്യങ്ങളിലെ മലയാളി സമൂഹങ്ങളെ സംഗീതത്തിന്റെ ഒരേ നാദധാരയിൽ കോർത്തിണക്കുക എന്ന ലക്ഷ്യത്തോടെ വേൾഡ് മലയാളി ഫെഡറേഷൻ…

5 hours ago

തിരുവനന്തപുരം ജനശ്രുതി മീഡിയയുടെ 2026ലെ ജനശ്രേഷ്ഠ പുരസ്കാരം രാജു കുന്നക്കാട്ടിനും ജോസ് കുമ്പിളുവേലിക്കും.

തിരുവനന്തപുരം : തിരുവനന്തപുരം ജനശ്രുതി മീഡിയയുടെ 2026 ലെ ജനശ്രേഷ്ഠ പുരസ്കാരം പ്രഖ്യാപിച്ചു. മാധ്യമ~സാംസ്കാരിക, പൊതുപ്രവര്‍ത്തന രംഗങ്ങളില്‍ മികവ് തെളിയിച്ച…

8 hours ago

ആചാരങ്ങളിൽനിന്ന് അനുഭവത്തിലേക്ക് പ്രവേശിക്കുവാൻ കഴിഞ്ഞ വിശുദ്ധ കന്യകമറിയത്തിൻറെ ജീവിതം മാതൃകയാക്കണം റവ. ജെയിംസ് കെ. ജോൺ

ഡിട്രോയിറ്റ്: അമേരിക്കയിലെയും കാനഡയിലെയും വിശ്വാസികളുടെ പ്രധാന പ്രാർത്ഥനാ കൂട്ടായ്മയായ ഇന്റർനാഷണൽ പ്രെയർ ലൈനിന്റെ (IPL) 653-ാമത് ഓൺലൈൻ പ്രാർത്ഥനാ യോഗം…

24 hours ago

ഇൽഹാൻ ഉമറിന്റെ കോടതിയേതര വിവരങ്ങൾ പൂർണ്ണമായി പുറത്തുവിടേണ്ടതില്ലെന്ന് ഫെഡറൽ കോടതി

മിനെസോട്ട: മിനെസോട്ട നിന്നുള്ള യു.എസ്. പ്രതിനിധി ഇൽഹാൻ ഉമറിന്റെ വാഷിംഗ്ടൺ ഡി.സിയിലുള്ള വസതിയിൽ കഴിഞ്ഞ മാസം നടത്തിയ റെയ്ഡുമായി ബന്ധപ്പെട്ട…

24 hours ago