ഇന്ത്യയിൽ നിന്നുള്ള വാണിജ്യ വിമാന സർവീസുകൾ നിർത്തിവെച്ച് കുവൈറ്റ്

ഇന്ത്യയിൽ നിന്ന് വരുന്ന എല്ലാ വാണിജ്യ വിമാന സർവീസുകളും താൽക്കാലികമായി നിർത്തിവച്ചതായി കുവൈത്ത് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ ട്വീറ്റിൽ അറിയിച്ചു. ആഗോള കൊറോണ വൈറസ് നില വിലയിരുത്തിയ ശേഷമാണ് ആരോഗ്യ അധികൃതരുടെ നിർദേശങ്ങൾ അനുസരിച്ചാണ് ഈ നീക്കം.

ഇന്ത്യയില്‍ 14 ദിവസം തങ്ങിയ ശേഷം നേരിട്ടോ മറ്റൊരു രാജ്യം വഴിയോ വരുന്നവര്‍ക്ക് കുവൈറ്റില്‍ പ്രവേശനാനുമതി ലഭിക്കില്ലെന്ന് പ്രസ്താവനയില്‍ പറയുന്നു. കുവൈറ്റ് പൗരന്മാർക്കും അവരുടെ ഒന്നാം ഡിഗ്രി ബന്ധുക്കൾക്കും വീട്ടുജോലിക്കാർക്കും പ്രവേശിക്കാൻ അനുവാദമുണ്ട്. ചരക്ക് ഗതാഗതത്തെ നിയന്ത്രണം ബാധിക്കില്ലെന്ന് അധികൃതർ അറിയിച്ചു.