ഇന്ത്യയിൽ കൊറോണ വൈറസ് മൂലമുണ്ടാകുന്ന പ്രതിദിന കോവിഡ് മരണം 5,600 ആയി ഉയരുമെന്ന് പഠനം

ഇന്ത്യയിൽ കൊറോണ വൈറസ് മൂലമുണ്ടാകുന്ന മരണങ്ങളുടെ എണ്ണം മെയ് പകുതിയോടെ 5,600 ആയി ഉയരുമെന്ന് പഠനം. ഏപ്രിൽ മുതൽ ഓഗസ്റ്റ് വരെ മാത്രം രാജ്യത്ത് കോവിഡ് -19 ന് മൂന്ന് ലക്ഷത്തോളം പേർക്ക് ജീവൻ നഷ്ടപ്പെടാമെന്നാണ് ഇതിനർത്ഥം.

വാഷിംഗ്ടൺ സർവകലാശാലയിലെ ഇൻസ്റ്റിറ്റ്യൂട്ട് ഫോർ ഹെൽത്ത് മെട്രിക്സ് ആൻഡ് ഇവാലുവേഷൻ (ഐഎച്ച്എംഇ) ആണ് ‘കോവിഡ് -19 പ്രൊജക്ഷനുകൾ’ എന്ന പഠനം നടത്തിയത്. ഇന്ത്യയില്‍ കൊവിഡ് വ്യാപനം അതി രൂക്ഷമായി തുടരുകയാണ്. രാജ്യത്ത് ഒരു ദിവസം തന്നെ 3 ലക്ഷത്തിലധികം പേർക്ക് കോവിഡ് ബാധ റിപ്പോർട്ട് ചെയ്യുന്നുണ്ട്. കഴിഞ്ഞ ദിവസം ഡൽഹിയിൽ മാത്രം കോവിഡ് ബാധിച്ചു മരിച്ചത് 348 പേരാണ്.

അതേസമയം കൊറോണ വ്യാപനം രാജ്യത്ത് ഭയാനകമായ അവസ്ഥയിലേയ്ക്ക് നീങ്ങുകയാണെന്നും, ഇന്ത്യയിൽ കൊറോണ തടയുക ഏറെ ദുഷ്ക്കരമാണെന്നും \ ലോകാരോഗ്യ സംഘടന പുറത്തിറക്കിയ പ്രസ്താവനയില്‍ പറയുന്നു.