ഹൃദ്രോ​ഗ സാധ്യത തടയാൻ സഹായിക്കുന്ന 4 ദൈനംദിന ശീലങ്ങൾ

ആ​ഗോളതലത്തിൽ മരണകാരണമാകുന്ന പ്രധാനപ്പെട്ട രോ​ഗങ്ങളിലൊന്നാണ് ഹൃദ്രോ​ഗം. നിരവധി പേരെയാണ് ഇന്ന് ഹൃദ്രോ​ഗം ബാധിക്കുന്നത്. ജീവിതശെെലിയിൽ ചില മാറ്റങ്ങൾ വരുത്തുന്നത് ഹൃദ്രോ​ഗ സാധ്യത ഒരു പരിധി വരെ തടയാൻ സഹായിക്കും. ഏതൊക്കെയാണ് ആ ശീലങ്ങളെന്നതിനെ കുറിച്ചാണ് ഇനി പറയുന്നത്.

1. ഭക്ഷണം കഴിച്ച ശേഷം 10 മിനുട്ട് നേരം നടത്തം ശീലമാക്കുന്നതാണ് ആദ്യത്തേത് എന്ന് പറയുന്നത്. ഭക്ഷണത്തിനു ശേഷം നടക്കുന്നത് വീക്കം കുറയ്ക്കുകയും ശരീരത്തിലെ രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യുമെന്ന് പഠനങ്ങൾ പറയുന്നു. പ്രഭാതഭക്ഷണം, ഉച്ചഭക്ഷണം അല്ലെങ്കിൽ അത്താഴം എന്നിവ കഴിച്ചതിനുശേഷം 10 മിനിറ്റ് നേരിയ നടത്തം ഏതെങ്കിലും ഹൃദ്രോഗ സാധ്യത കുറയ്ക്കും.

2. ഉറക്കക്കുറവ് ഹൃദ്രോഗ സാധ്യത വർദ്ധിപ്പിക്കുമെന്ന് പഠനങ്ങൾ പറയുന്നു. ഉറക്കമില്ലായ്മ ശരീരത്തിന്റെ സമ്മർദ്ദ നിയന്ത്രണം, രക്തസമ്മർദ്ദം, വീക്കം എന്നിവയുടെ അളവ് തടസ്സപ്പെടുത്തുന്നു. കുറഞ്ഞത് 7-8 മണിക്കൂർ ഉറക്കം ലഭിക്കുന്നത് ശരീരത്തിന് അനുയോജ്യമാണ്.

3. പ്ലാസ്റ്റിക് പാത്രങ്ങളിൽ ഭക്ഷണം ചൂടാക്കുകയോ സൂക്ഷിക്കുകയോ ചെയ്യുന്നത് നല്ല ശീലമല്ല. പ്ലാസ്റ്റിക് ഹോർമോണുകളെ തടസ്സപ്പെടുത്തുകയും ശരീരത്തിൽ വീക്കം ഉണ്ടാക്കുകയും ചെയ്യുന്ന ദോഷകരമായ രാസവസ്തുക്കൾ പുറത്തുവിടുന്നു. പ്ലാസ്റ്റിക് മാറ്റി ഗ്ലാസ്, സ്റ്റെയിൻലെസ് സ്റ്റീൽ പാത്രങ്ങൾ ഉപയോഗിക്കുക.

4. ആരോഗ്യകരമായ അരക്കെട്ടും ശരീരഭാരവും നിലനിർത്തുന്നത് ഹൃദയ പ്രവർത്തനത്തെ പിന്തുണയ്ക്കുക ചെയ്യുന്നു. നേരിയ ഭാരം കുറയുന്നത് പോലും മൊത്തത്തിലുള്ള ഹൃദയാരോഗ്യത്തിൽ കാര്യമായ വ്യത്യാസം വരുത്തും. ഹൃദ്രോഗം ഒരു രാത്രി കൊണ്ട് വരുന്ന ഒന്നല്ല. നിങ്ങൾ എന്ത് കഴിക്കുന്നു, എങ്ങനെ വ്യായാമം ചെയ്യുന്നു, എങ്ങനെ വിശ്രമിക്കുന്നു എന്നിവയെക്കുറിച്ചുള്ള ദൈനംദിന തീരുമാനങ്ങളിലൂടെയാണ് ഇത് രൂപപ്പെടുന്നത്.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb