അയർലണ്ടിൽ ഇനി ഫാർമസികളിലും ബവൽ കാൻസർ പരിശോധന

ഒക്ടോബർ മുതൽ 1,500-ലേറെ ഫാർമസികളിൽ BowelScreen സേവനം; 57 മുതൽ 71 വയസ്സ് വരെ സൗജന്യ പരിശോധന

അയർലണ്ടിൽ ബവൽ കാൻസർ സ്ക്രീനിംഗ് ആദ്യമായി ഫാർമസികളിലൂടെയും ലഭ്യമാക്കുന്നു. ഒക്ടോബർ മുതൽ രാജ്യത്തെ 1,500-ലേറെ ഫാർമസികളിൽ BowelScreen സംബന്ധിച്ച വിവരങ്ങളും സഹായവും ലഭ്യമാകുമെന്ന് HSE അറിയിച്ചു. നിലവിൽ പരിശോധനയ്ക്ക് അർഹരായവരിൽ ഏകദേശം പകുതി പേർ മാത്രമാണ് BowelScreen പദ്ധതിയിൽ പങ്കെടുക്കുന്നതെന്ന് HSE വ്യക്തമാക്കി. കൂടുതൽ ആളുകളെ പരിശോധനയിലേക്ക് എത്തിക്കുന്നതിനായാണ് ഫാർമസികളിലൂടെയുള്ള പുതിയ സേവനം ആരംഭിക്കുന്നത്.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

57 മുതൽ 71 വയസ്സ് വരെ പ്രായമുള്ളവർക്കാണ് BowelScreen സൗജന്യമായി ലഭിക്കുക. രാജ്യത്താകെ ഏകദേശം 8.5 ലക്ഷം പേർക്ക് പദ്ധതിയുടെ പ്രയോജനം ലഭിക്കാൻ അർഹതയുണ്ട്. രോഗം പ്രാരംഭ ഘട്ടത്തിൽ കണ്ടെത്താൻ സ്ക്രീനിംഗ് സഹായിക്കുന്നതിനാൽ ചികിത്സ കൂടുതൽ ഫലപ്രദമാകാനുള്ള സാധ്യതയുണ്ടെന്ന് HSE അറിയിച്ചു.

ഒക്ടോബർ മുതൽ പ്രിസ്ക്രിപ്ഷൻ ബാഗുകളിൽ പ്രത്യേക സ്റ്റിക്കറുകൾ നൽകും. ഇതിലൂടെ BowelScreen സംബന്ധിച്ച വിവരങ്ങൾ ലഭിക്കുന്നതിനൊപ്പം ഫാർമസി ജീവനക്കാരുമായി പരിശോധനയെക്കുറിച്ച് സംസാരിക്കാനും സാധിക്കും. സ്റ്റിക്കറിൽ സൗജന്യ ഫോൺ നമ്പറും QR കോഡും ഉണ്ടായിരിക്കും. ഇതുവഴി BowelScreen രജിസ്ട്രേഷൻ പരിശോധിക്കുകയോ രജിസ്റ്റർ ചെയ്യുകയോ ചെയ്ത് സൗജന്യ ഹോം ടെസ്റ്റ് കിറ്റ് ആവശ്യപ്പെടാനും കഴിയും.

മുമ്പ് പരിശോധനയ്ക്ക് ക്ഷണം ലഭിച്ചിട്ടും പങ്കെടുക്കാത്ത 57–71 വയസ്സ് പ്രായത്തിലുള്ളവർ പ്രാദേശിക ഫാർമസിയുമായി ബന്ധപ്പെടണമെന്ന് HSE BowelScreen പ്രോഗ്രാം മാനേജർ ഹിലരി കോഫി ഫാരൽ അഭ്യർഥിച്ചു. Irish Pharmacy Union-വും പുതിയ സംവിധാനത്തെ സ്വാഗതം ചെയ്തു. പരിശോധന എങ്ങനെ നടത്തണം എന്നതടക്കമുള്ള സംശയങ്ങൾക്ക് ഫാർമസി ജീവനക്കാർക്ക് സഹായിക്കാനാകുമെന്ന് യൂണിയൻ വ്യക്തമാക്കി. അതേസമയം, രോഗലക്ഷണങ്ങളുള്ളവർ BowelScreen-നെ ആശ്രയിക്കാതെ GPയെ സമീപിക്കണമെന്ന് HSE നിർദേശിച്ചു. രോഗലക്ഷണങ്ങളില്ലാത്തവർക്കായുള്ള മുൻകരുതൽ പരിശോധനയാണ് BowelScreen.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==