തകർത്താടി തൈക്കുടം : അവിസ്മരണീയ സംഗീത രാവിന് സാക്ഷിയായി അയർലണ്ട് മലയാളികൾ

മനം കുളിർക്കുന്ന മെലഡികളും, ഹരം കൊള്ളിക്കുന്ന പോപ്പ് മ്യൂസിക്കും ഒത്തുചേർന്ന് തൈക്കുടം ബ്രിഡ്ജ് ഡബ്ലിനിൽ കാണികൾക്കായി തീർത്തത് പകരം വയ്ക്കാനാകാത്ത സംഗീതരാവ്. ആദ്യ ഗാനം മുതൽ അലയടിച്ച ആവേശത്തിരയിൽ മതിമറന്നു കാണികളും ഗായകരും.

കേരളക്കരയുടെ പ്രിയ സംഗീത ബാൻഡ് തൈക്കുടം ബ്രിഡ്ജ് ഒരുക്കിയ മാസ്മര സംഗീത വിരുന്ന് ആരാധകർ ഇരുകൈകളും നീട്ടി എറ്റുവാങ്ങുകയായിരുന്നു. ബാൻഡിന്റെ ഓരോ പ്രകടനവും നിറ കയ്യടികളോടെ സദസ്സ് ഏറ്റെടുത്തു. വയലിനിൽ മാന്ത്രികം തീർത്ത് ഗോവിന്ദ് വസന്തും കാണികളുടെ മനം നിറച്ചു.

തൈക്കുടം ബ്രിഡ്ജ് സ്റ്റേജ് ഷോ അനൗൺസ് ചെയ്‌ത ദിവസം മുതൽ അയർലണ്ട് മലയാളികൾ ഏറെ പ്രതീക്ഷയോടും ആവേശത്തോടുകൂടിയുമാണ് കാത്തിരുന്നത്. സംഗീതാസ്വാദകരുടെ കാത്തിരിപ്പിന് പകരമായി എക്കാലവും ഓർത്തിരിക്കാൻ ഇത്തരത്തിൽ മികച്ച സംഗീതാനുഭവം ഒരുക്കി നൽകിയത് Feel At Home ആണ്. അയർലണ്ട് മലയാളികൾക്ക് സുപരിചിതനായ പ്രദീപ് ചന്ദ്രന്റെ നേതൃത്വത്തിൽ FEEL AT HOME ആണ് പരിപാടി സംഘടിപ്പിച്ചത്.

Ingredients, Viswas, Just Right Overseas Studies Limited, എന്നിവരാണ് മറ്റ് മുഖ്യ സ്പോൺസർമാർ. Mudra Events, Blueberry International എന്നിവർ പങ്കാളികളാണ്. Skyline Travels, Blue Chip Tiles എന്നിവർ സ്പോൺസർമാരാണ്. EVENT BLITZ ടിക്കറ്റിംഗ് പാർട്ണറും Global News Network മീഡിയ പാർട്ണറുമാണ്.

ഡബ്ലിൻ Scientology Community Centre ൽ ഇന്നലെ സെപ്റ്റംബർ 15, വൈകീട്ട് 7 മണിക്കാണ് സംഗീത പരിപാടി അരങ്ങേറിയത്. അയർലണ്ടിലെ വിവിധ ഭാഗങ്ങളിൽ നിന്നായി ആയിരത്തിലധികം കാണികൾ പരിപാടിയിൽ പങ്കെടുത്തു. ബുക്കിംഗ് ആരംഭിച്ച് ദിവസങ്ങൾക്കകം തന്നെ ടിക്കറ്റ് വില്പന പൂർത്തിയായിരുന്നു.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb