Flogas ഗ്യാസ്, വൈദ്യുതി നിരക്കുകൾ 30% കുറയ്ക്കും

എനർജി പ്രൊവൈഡർ Flogas, ഗ്യാസ്, വൈദ്യുതി നിരക്കുകൾ 30% വെട്ടിക്കുറയ്ക്കുമെന്ന് പ്രഖ്യാപിച്ചു. ഊർജ്ജ കമ്പനികൾ ഇതുവരെ പ്രഖ്യാപിച്ച ഏറ്റവും വലിയ കുറവാണിത്. ഉപഭോക്താക്കളുടെ ശരാശരി വൈദ്യുതി ബില്ലിൽ പ്രതിമാസം 74.58 യൂറോ അല്ലെങ്കിൽ പ്രതിവർഷം 895 യൂറോ ലാഭിക്കുന്നതിന് തുല്യമാണ് ഈ കുറവുകൾ എന്ന് Flogas പറഞ്ഞു.

കമ്പനിയുടെ പ്രകൃതി വാതക ഉപഭോക്താക്കൾക്ക് അവരുടെ ശരാശരി ബില്ലുകളിൽ പ്രതിമാസം 64.84 യൂറോ അല്ലെങ്കിൽ പ്രതിവർഷം 778 യൂറോയുടെ കുറവ് ലഭിക്കും. Double fuel ഉപഭോക്താക്കൾക്ക് അവരുടെ ബില്ലുകളിൽ പ്രതിവർഷം 1,673 യൂറോയുടെ കുറവ് കാണാനാകും. സ്മാർട്ട് വേരിയബിൾ റേറ്റ് ഉപഭോക്താക്കൾ ഉൾപ്പെടെ എല്ലാ വേരിയബിൾ റേറ്റ് ഉപഭോക്താക്കൾക്കും ഈ വെട്ടിക്കുറവ് ബാധകമാണെന്ന് Flogas പറഞ്ഞു. വൈദ്യുതിക്കും ഗ്യാസിനും വേണ്ടി ഏകദേശം 70,000 റെസിഡൻഷ്യൽ ഉപഭോക്താക്കളാണ് ഫ്‌ലോഗസിനുള്ളത്.

നവംബർ 6 മുതലാണ് ഇളവുകൾ നിലവിൽ വരിക.ശീതകാലം ആസന്നമായതിനാൽ, കമ്പനിയുടെ സ്റ്റാൻഡേർഡ് നിരക്ക് യൂണിറ്റ് നിരക്കുകളിലും ഗ്യാസ്, വൈദ്യുതി എന്നിവയുടെ സ്റ്റാൻഡിംഗ് ചാർജുകളിലും 30% കുറവ് പ്രഖ്യാപിക്കുന്നതിൽ സന്തോഷമുണ്ടെന്ന് ഫ്ലോഗാസ് എനർജി ജനറൽ മാനേജർ സീൻ ഒ ലോഗ്ലിൻ പറഞ്ഞു.PrepayPower വൈദ്യുതി, ഗ്യാസ് എന്നിവയുടെ വില ഏകദേശം 13% കുറയ്ക്കുന്നതായി അറിയിച്ചു. മറ്റ് പ്രധാന വിതരണക്കാർ അടുത്ത ആഴ്ചകളിൽ 10% മുതൽ 20% വരെ വില കുറച്ചു.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb