ഇന്ത്യൻ ഗവൺമെന്റും ഇന്ത്യൻ എംബസിയും സംയുക്തമായി Global Pravasi Rishta Portal ആരംഭിച്ചു

ഡബ്ലിൻ: ഇന്ത്യൻ ഗവൺമെന്റും ഇന്ത്യൻ എംബസിയും സംയുക്തമായി Global Pravasi Rishta Portal ആരംഭിച്ചു. NRI, PIO, OCI cardholders എന്നീ പ്രവാസ മേഖലയിൽ ഉൾപ്പെടുന്നവരുമായി ബന്ധപ്പെടുക എന്നതാണ് ഈ പ്ലാറ്റഫോമിലൂടെ ലക്ഷ്യമാക്കുന്നത്.

കോൺസുലർ സേവനങ്ങളെക്കുറിച്ചുള്ള വിവരങ്ങൾ, എംബസി സംഘടിപ്പിച്ച വിവിധ ഇവന്റുകൾ, പുതിയ ഗോൾ സ്കീമുകളെക്കുറിച്ചുള്ള അപ്‌ഡേറ്റ് ചെയ്ത വിവരങ്ങൾ, പ്രവാസികൾക്ക് അഭിപ്രായങ്ങളും നിർദ്ദേശങ്ങളും പങ്കിടാനുള്ള മാർഗങ്ങൾ തുടങ്ങി പ്രവാസികൾക്ക് ഉപയോഗപ്രദമായ കാര്യങ്ങളാണ് പോർട്ടലിൽ ഉൾപ്പെടുത്തിയിട്ടുള്ളത്.

ഈ പോർട്ടലിൽ CPGRAM, MADAD പോലുള്ള ഡെഡിക്കേറ്റഡ് പോർട്ടലുകളിൽ ഇതിനോടകം ലഭ്യമാകുന്ന ആപ്ലിക്കേഷൻ സർവീസുകൾളോ പരാതിപെടാനുള്ള മാർഗ്ഗങ്ങളോ ഉൾപ്പെടുത്തിയിട്ടില്ലായെന്നും https://www.pravasirishta.gov.in/home എന്ന ലിങ്കിലൂടെ പ്രവാസികൾക്ക് ഈ പോർട്ടലിൽ രജിസ്റ്റർ ചെയ്യാമെന്നും ഇന്ത്യൻ എംബസി അറിയിച്ചു.