ഐറിഷ് നാഷണൽ ബാഡ്മിന്റൺ ചാമ്പ്യൻഷിപ്പിൽ ഇത്തവണയും മിന്നും വിജയ തിളക്കവുമായി മലയാളി സഹോദരിമാർ. അണ്ടർ 19 ടൂർണമെന്റിൽ മിഷേൽ ഷോച്ചൻ, അണ്ടർ 15 ടൂർണമെന്റിൽ ഹാന ഷോച്ചൻ ചാമ്പ്യൻഷിപ്പ് സ്വന്തമാക്കി. ഐറിഷ് നാഷണൽ ബാഡ്മിന്റൺ ചാമ്പ്യൻഷിപ്പിൽ തുടർച്ചയായി വിജയം കരസ്ഥമാക്കി ഈ സഹോദരിമാർ അയർലണ്ടിലെ ഓരോ മലയാളിയുടെയും അഭിമാനമായി മാറിയിരിക്കുകയാണ്. അണ്ടർ 19 സിംഗിൾസിലും ഡബിൾസിലും മിഷേൽ സ്വർണം നേടി.
മിക്സഡ് ഡബിൾസിൽ കേവലം രണ്ട് പോയിന്റ് വ്യത്യാസത്തിലാണ് മിഷേലിന് സ്വർണം നഷ്ടമായതും വെള്ളി മെഡൽ നേടിയതും. ഐറിഷ് നാഷണൽ ടീമിൽ പ്ലെയറാണ് മിഷേൽ. പത്ത് വയസ് മുതൽ മിഷേൽ ടീമിനായി മത്സരിക്കുന്നുണ്ട്. മേരി ഫീൽഡ് കോളേജിൽ അഞ്ചാം വർഷം വിദ്യാർഥിനിയാണ് പതിനാറുകാരി മിഷേൽ. അണ്ടർ 17 വിഭാഗത്തിൽ രണ്ട് ചാമ്പ്യൻഷിപ്പുകൾ മിഷേൽ നേടിയിട്ടുണ്ട്. കഴിഞ്ഞ യൂറോപ്യൻ ചാമ്പ്യൻഷിപ്പിൽ 16ാം സ്ഥാനവും മിഷേൽ സ്വന്തമാക്കിയിരുന്നു.
അണ്ടർ 15 സിംഗിൾസ്, ഡബിൾ, മിക്സഡ് ഡബിൾ വിഭാഗങ്ങളിൽ ഹാന ഷോച്ചൻ ചാമ്പ്യനായി. സഹോദരിയുടെ പാതയിൽ തന്നെ മികവാർന്ന പ്രകടനം നടത്തി ഹാനയും ഐറിഷ് നാഷണൽ ടീമിനായി മത്സരിക്കുന്നു. മേരി ഫീൽഡ് കോളേജിൽ രണ്ടാം വർഷം വിദ്യാർഥിനിയാണ് ഹാന.ഐറിഷ് ഡിഫൻസ് ഫോഴ്സിലെ സിവിലിയൻ സ്റ്റാഫായ ചേർത്തല സ്വദേശി ഷോച്ചൻ ആൻഡ്രൂസിന്റെയും, കാപ്പാ ഹോസ്പിറ്റലിലെ നഴ്സിംഗ് മാനേജർ ബെറ്റ്സിയുടെയും മക്കളാണ് മിഷേൽ ഷോച്ചനും,ഹാന ഷോച്ചനും. ഡബ്ലിനിൽ ഗ്ലാസ്നേവനിലാണ് കുടുംബം താമസിക്കുന്നത്. മക്കളുടെ ഈ വിജയം ഏറെ അഭിമാനത്തോടെ കാണുകയാണ് ഈ മാതാപിതാക്കൾ.
മലയാളികൾക്ക് ഏറെ അഭിമാനമായി അണ്ടർ 19 ബോയ്സ് സിംഗിൾ വിഭാഗത്തിൽ പ്രണവ് ഇരുകാട്ടിൽ സ്വർണവും, ഗേൾസ് സിംഗിൾ വിഭാഗത്തിൽ നിക്കോൾ ജോയ് വെള്ളിയും നേടി.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://whatsapp.com/channel/0029Va4AM6UElagtUTDuQQ0S
വൗ സിനിമാസിൻ്റെ ബാനറിൽ സന്തോഷ് ത്രിവിക്രമൻ നിർമ്മിച്ച് എം.പത്മകുമാർ സംവിധാനം ചെയ്യുന്ന ഉയിർ എന്ന ചിത്രത്തിൻ്റെ പ്രധാന അണിയറ പ്രവർത്തകരെ…
പെട്രോൾ, ഡീസൽ എന്നിവയുടെ വില കുറയ്ക്കാൻ നിലവിൽ ഏർപ്പെടുത്തിയിരിക്കുന്ന ഇന്ധന എക്സൈസ് നികുതി ഇളവുകൾ ജൂലൈയ്ക്ക് ശേഷവും തുടരുമോ എന്ന…
16 വയസിന് താഴെയുള്ള കുട്ടികൾക്ക് സോഷ്യൽ മീഡിയ ഉപയോഗം നിരോധിക്കുന്ന നടപടിയുമായി ബ്രിട്ടൻ. കുട്ടികളുടെ സന്തോഷത്തെയും മാനസികാരോഗ്യത്തെയും സോഷ്യൽ മീഡിയ…
Sree Narayana Public School Student Receives ₹20,000 Cash Award, Memento and Certificate at Orchid Spell…
സ്ലൈഗോ/അയർലൻഡ്: ഇന്ത്യൻ അസോസിയേഷൻ ഓഫ് സ്ലൈഗോ ഇരുപതാം വർഷത്തിലേക്ക് കടക്കുന്നു .പുതിയ പ്രസിഡന്റ് ആയി നൈനാൻ തോമസിനേയും സെക്രട്ടറിയായി മേബിൾ…
തിരുവനന്തപുരം: കെഎസ്ആർടിസി ഓർഡിനറി ബസുകളിൽ സ്ത്രീകൾക്കും ട്രാൻസ്ജെൻഡേഴ്സിനുമുള്ള സൗജന്യ യാത്ര പദ്ധതി പ്രിയദർശിനിക്ക് തുടക്കമായി. തിരുവനന്തപുരം തമ്പാനൂർ കെഎസ്ആർടിസി കോംപ്ലക്സിൽ…