അയർലണ്ടിൽ പുതിയ മൊബൈൽ സേവനവുമായി Lidl Connect

അയർലണ്ടിലെ മൊബൈൽ സേവന രംഗത്തേക്ക് Lidl പ്രവേശിക്കുന്നു. Lidl Connect എന്ന പേരിലുള്ള പുതിയ മൊബൈൽ സേവനം ഒക്ടോബർ 5 മുതൽ ലഭ്യമാകും. ആദ്യത്തെ 1 ലക്ഷം ഉപഭോക്താക്കൾക്ക് പ്രതിമാസം €8.99 എന്ന നിരക്കിൽ ‘Price for Life’ ഓഫറാണ് Lidl പ്രഖ്യാപിച്ചിരിക്കുന്നത്. പുതിയ പ്ലാനിൽ പരിധിയില്ലാത്ത 5G ഡാറ്റ, അയർലണ്ടിലെയും യുകെയിലെയും ഏത് നെറ്റ്‌വർക്കിലേക്കും പരിധിയില്ലാത്ത കോളുകളും ടെക്സ്റ്റ് മെസേജുകളും ഉൾപ്പെടും. കൂടാതെ യൂറോപ്യൻ യൂണിയൻ രാജ്യങ്ങളിലും യുകെയിലും ഉപയോഗിക്കാവുന്ന 50GB റോമിങ് ഡാറ്റയും 38-ലധികം രാജ്യങ്ങളിലേക്ക് പ്രതിമാസം 100 അന്താരാഷ്ട്ര മിനിറ്റുകളും ലഭിക്കും.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

Lidl Connect സേവനം Lidl Plus ആപ്പ് വഴി മാത്രമായിരിക്കും ലഭ്യമാകുക. Lidl സ്റ്റോറുകളിൽ നിന്ന് 99 സെന്റിന് ഫിസിക്കൽ SIM കാർഡ് വാങ്ങാം. ഉപഭോക്താക്കൾക്ക് ആപ്പ് വഴി eSIM തിരഞ്ഞെടുക്കാനും രജിസ്ട്രേഷൻ പൂർത്തിയാക്കാനും സാധിക്കും. നിലവിലുള്ള മൊബൈൽ നമ്പർ നിലനിർത്തുന്നതിനൊപ്പം പുതിയ നമ്പർ തിരഞ്ഞെടുക്കാനുള്ള സൗകര്യവും ഉണ്ടായിരിക്കും. 1GLOBAL ആണ് Lidl Connect സേവനം നൽകുന്നത്. അയർലണ്ടിൽ eir നെറ്റ്‌വർക്ക് ഉപയോഗിച്ചാണ് സേവനം ലഭ്യമാക്കുന്നതെന്ന് Lidl അറിയിച്ചു. 1GLOBAL തന്നെയാണ് Revolut-ന്റെ eSIM സേവനങ്ങളും നൽകുന്നത്.

അയർലണ്ടിൽ ആദ്യമായാണ് Lidl പുതിയ Lidl Connect ആശയം അവതരിപ്പിക്കുന്നത്. Lidl Ireland and Northern Ireland ചീഫ് എക്സിക്യൂട്ടീവ് റോബർട്ട് റയാൻ, രാജ്യത്ത് ഈ പുതിയ സേവനം അവതരിപ്പിക്കുന്നതിൽ അഭിമാനമുണ്ടെന്ന് പ്രതികരിച്ചു. 2019ൽ അയർലണ്ടിൽ GoMo ആരംഭിച്ചപ്പോൾ ആദ്യ 1 ലക്ഷം ഉപഭോക്താക്കൾക്ക് ‘for life’ നിരക്ക് നൽകിയിരുന്നു. അതിന് സമാനമായ രീതിയിലാണ് Lidl Connect-ന്റെ പ്രാരംഭ ഓഫറും അവതരിപ്പിച്ചിരിക്കുന്നത്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==