വീട് നിർമ്മാണ മേഖല കേന്ദ്രീകരിച്ച് തട്ടിപ്പ്; ഇരയായവരിൽ മലയാളികളും

അയർലണ്ടിൽ നിർമ്മാണ മേഖലയിൽ പണം തട്ടാൻ പുതിയ തന്ത്രവുമായി തട്ടിപ്പ് ബിൽഡർമാർ. ഇവരുടെ തട്ടിപ്പിൽ പണം നഷ്ടമായവരിൽ പല മലയാളികളും ഉൾപ്പെടുന്നു. ഇതുമായി ബന്ധപ്പെട്ട് ഒരു മലയാളി പ്രവാസി തന്റെ അനുഭവം പങ്കുവയ്ക്കുകയാണ്.കുറച്ച് നാളുകൾക്ക് മുൻപ് ഇദ്ദേഹം വീടിന്റെ എക്സ്റ്റൻഷൻ ജോലി ചെയ്യാൻ ഒരുങ്ങുകയായിരുന്നു. പ്ലാനിങ് പെർമിഷൻ കഴിച്ചതിനു പിന്നാലെ ഐഡിയൽ കൺട്രക്ഷൻസ് എന്ന സ്ഥാപനത്തിൽ നിന്നും മാർക്ക് റാൾഫ് എന്ന ആൾ ബന്ധപ്പെട്ടു. ഇയ്യാൾക്ക് വർക്ക് നൽകുകയും ചെയ്തു. സ്ട്രക്ചർ പൂർത്തിയാക്കിയ ശേഷം ഏകദേശം 80% തുക കൈപ്പറ്റുകയും ചെയ്തു.

എന്നാൽ പണം ലഭിച്ച ശേഷം നിർമ്മാണം പൂർത്തിയാക്കാതെ ഇയാൾ മുങ്ങി. പല തവണ ഉടമസ്ഥൻ ബന്ധപ്പെട്ടെങ്കിലും ഓരോ ഒഴുവുകൾ പറഞ്ഞു ഒഴിഞ്ഞുമാറുകയായിരുന്നു. പണി പകുതിയായതിനാൽ അത് പൂർത്തിയാക്കാൻ മറ്റൊരാളെ കണ്ടെത്താനും പ്രയാസം നേരിട്ട്. സാമ്പത്തിക നഷ്ടതിന് പുറമെ ഏറെ മാനസിക ബുദ്ധിമുട്ടും ഇതിനാൽ ഉണ്ടായതെന്ന് ഉടമ പറയുന്നു. വീടിന്റെ അറ്റകുറ്റ പണിക്കും മറ്റ് നിർമ്മാണങ്ങൾക്കുമായി പൊതുവെ വലിയൊരു തുക ചെലവഴിക്കേണ്ട സ്ഥിതിയാണ്. പലരും സാമ്പത്തിക ലാഭം മുന്നിൽ കണ്ട് സ്വന്തം മേൽനോട്ടത്തിൽ നിർമ്മാണം നടത്തുന്നവരാണ്. ഇത്തരക്കാരായ സാധാരണ ജനങ്ങളെയാണ് ചൂഷണം ചെയ്യുന്നത്.

സമാനമായ അനുഭവം പല മലയാളികൾക്കും ഇതിനോടകം നേരിടേണ്ടി വന്നിട്ടുണ്ട്. അതിനാൽ തന്നെ നിർമ്മാണം മറ്റ് ജോലികൾക്കായോ ബിൽഡർമാരെ തിരഞ്ഞെടുക്കുമ്പോൾ ഏറെ ജാഗ്രത പുലർത്തുക.ബിൽഡർമാരുടെ മുൻ ജോലി സൈറ്റുകൾ നേരിൽ കണ്ട് ബോധ്യപ്പെടുക, സുരക്ഷാ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാകുക. ഇത്തരം തട്ടിപ്പുകൾ മുന്നിൽ കണ്ടുള്ള കരുതൽ സ്വീകരിച്ച് മാത്രം പണമിടപാടുകൾ നടത്തുക.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb