ഗ്ലോർണി അന്താരാഷ്ട്ര ചെസ് ടൂർണമെന്റിൽ മലയാളി സഹോദരങ്ങൾക്ക് അഭിമാന നേട്ടം; അയർലണ്ടിന് കിരീടവും റണ്ണേഴ്സ്-അപ്പ് സ്ഥാനവും

ലിമെറിക്കിൽ നടന്ന ഗ്ലോർണി അന്താരാഷ്ട്ര ചെസ് ടൂർണമെന്റിൽ മലയാളി സഹോദരങ്ങളായ എയ്‌ഡൻ ബോബിയും എയ്ഞ്ചൽ ബോബിയും മികച്ച പ്രകടനം കാഴ്ചവെച്ച് ശ്രദ്ധേയരായി. അണ്ടർ-12 വിഭാഗത്തിൽ എയ്‌ഡൻ ബോബി അംഗമായ അയർലണ്ട് ടീം ചാമ്പ്യൻമാരായി. ഇംഗ്ലണ്ട് എ, ഇംഗ്ലണ്ട് ബി, വെയിൽസ്, സ്കോട്‌ലൻഡ്, അയർലണ്ട് ബി എന്നീ ടീമുകളെ പിന്തള്ളിയാണ് അയർലണ്ട് കിരീടം സ്വന്തമാക്കിയത്. മത്സരങ്ങളിലുടനീളം എയ്‌ഡൻ പുറത്തെടുത്ത സ്ഥിരതയാർന്ന പ്രകടനം ടീമിന്റെ വിജയത്തിൽ നിർണായകമായി.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

അണ്ടർ-18 ഗേൾസ് വിഭാഗത്തിൽ എയ്ഞ്ചൽ ബോബി അംഗമായ അയർലണ്ട് ടീം റണ്ണേഴ്സ്-അപ്പ് സ്ഥാനത്തെത്തി. എട്ട് ടീമുകൾ പങ്കെടുത്ത മത്സരത്തിൽ എയ്ഞ്ചലിന്റെ പ്രകടനവും ടീമിന്റെ മുന്നേറ്റത്തിൽ പ്രധാന പങ്കുവഹിച്ചു. വെക്സ്ഫോർഡിൽ താമസിക്കുന്ന മലയാളി ദമ്പതികളായ ബോബി തോമസിന്റെയും സിബി ബോബിയുടെയും മക്കളാണ് എയ്‌ഡനും എയ്ഞ്ചലും.

ദേശീയ, അന്തർദേശീയ തലങ്ങളിലെ വിവിധ ചെസ് മത്സരങ്ങളിൽ അയർലണ്ടിനെ പ്രതിനിധീകരിച്ച് ഇരുവരും ഇതിനകം ശ്രദ്ധേയമായ നേട്ടങ്ങൾ സ്വന്തമാക്കിയിട്ടുണ്ട്. രാജ്യത്തെ യുവ ചെസ് താരങ്ങളിൽ ശ്രദ്ധേയരായ എയ്‌ഡനും എയ്ഞ്ചലും യങ് മാസ്റ്റർ പദവിയെന്ന ലക്ഷ്യത്തിലേക്കുള്ള പരിശീലനം തുടരുകയാണ്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==