കോർക്ക് ആക്രമണത്തിൽ ഗുരുതരമായി പരിക്കേറ്റയാൾ മരിച്ചു

കോർക്ക് കാർ പാർക്കിൽ വെച്ച് ആക്രമിക്കപ്പെട്ട വ്യക്തി ചികിത്സയിലിരിക്കെ മരണപ്പെട്ടു. കോബിലെ ന്യൂടൗൺ റോഡിലെ കാർ പാർക്കിങ്ങിൽ നടന്ന ആക്രമണത്തിൽ 33 വയസ്സുകാരന് ഗുരുതരമായി പരിക്കേറ്റിരുന്നു. ഇയ്യാളെ ആക്രമി വാളുകൊണ്ട് വെട്ടുകയായിരുന്നുവെന്നാണ് കണ്ടെത്തൽ. കോർക്ക് യൂണിവേഴ്‌സിറ്റി ഹോസ്പിറ്റലിൽ ചികിത്സയിലായിരുന്നു. ഇയാളെ, അടിയന്തര ശസ്ത്രക്രിയയ്ക്ക് വിധേയനാക്കുകയും തീവ്രപരിചരണ വിഭാഗത്തിൽ വെൻ്റിലേറ്ററിൽ കിടത്തുകയും ചെയ്തു. എന്നാൽ ഇന്ന് മരണം സംഭവിച്ചതായി ഗാർഡ സ്ഥിരീകരിച്ചു. പോസ്റ്റ്‌മോർട്ടം നാളെ നടക്കും

സംഭവത്തിൽ അന്വേഷണം പുരോഗമിക്കുകയാണെന്ന് ഗാർഡ അറിയിച്ചു. ദൃസാക്ഷികളുടെ മൊഴിയെടുക്കുകയും സിസിടിവി ദൃശ്യങ്ങൾ പരിശോധിക്കുകയും ചെയ്തു വരികയാണ്. കോബ് ഗാർഡ സ്‌റ്റേഷനിൽ അന്വേഷണം ഏകോപിപ്പിച്ച് കൊണ്ടിരിക്കുകയാണ്, ഏതെങ്കിലും സാക്ഷികളോ അല്ലെങ്കിൽ ആക്രമണം നടന്ന സമയത്തെ മൊബൈൽ ഫോണിൽ നിന്നോ ഡാഷ് കാമിൽ നിന്നോ ഉള്ള ദൃശ്യങ്ങൾ കൈവശമുള്ളവരോട് ഗാർഡയുമായി ബന്ധപ്പെടാൻ ആവശ്യപ്പെട്ടിട്ടുണ്ട്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb